Профитот на „MasterCard“ во второто тромесечје се зголеми за 21 %

Добивај вести на Viber

Благодарение на зголемувањето на плаќањето со кредитни или дебитни картички, вториот по големина платен систем во светот, американскиот „MasterCard“, го зголеми нето профитот во второто тромесечје од 2013 година за 21 процент на годишно ниво, односно на 848 милиони долари, или 6,96 долари по акција. Во истиот период лани профитот на компанијата бил 700 милиони долари, или 5,55 долари по акција. Профитот на „MasterCard“ ги надмина очекувањата на аналитичарите, кои во анкета за „Blumberg“, прогнозирале просек на добивка од 6,29 долари по акција. Приходот е зголемен за 15 проценти во однос на второто тромесечје од 2012 година, на 2,1 милијарда долари. Обемот на плаќање со „MasterCard“ во целиот свет пораснал во претходниот квартал за 13 проценти во локални валути, преминувајќи еден билион долари (илјада милијарди). Бројот на трансакции извршени со картичките на овој платен систем е зголемен за 11 проценти, на 9,5 милијарди операции. На 30 јуни 2013 година, под брендовите „MasterCard“ и „Maestro“ биле издадени 1,9 милијарди картички. Во претходното тромесечје компанијата откупила околу 1,1 милион сопствени акции од А класата во вредност од 581 милион долари. Акциите на „MasterCard“ од почетокот на оваа година до завршувањето на тргувањето во вторникот поскапеа на берзата во Њујорк за 22 проценти.