ПРОГНОЗА: Долговите кон странство ќе растат, девизните резерви ќе се намалуваат!

Добивај вести на Viber

Долговите кон странство во следниот период ќе се финансираат со нови задолжувања и преку инвестициите, но поради ризиците од политичката криза не можат да се утврдат крајните ефекти од отворањето на нови фабрики. Ова го констатира Народната Банка во најновиот мајски извештај во кој се дава оценка за моменталната состојба во економијата и очекувањата во следниот двегодишен период. “За следниот двегодишен период се очекува дека клучни извори за покривање на потребите за надворешно финансирање ќе бидат директните инвестиции и задолжувањето, во обем којшто е доволен за понатамошно одржување на девизните резервина соодветното ниво.Гледано низ призмата на странската камата, како битен фактор за домашната монетарна политика, и во оваа проекција нема поголеми промени“, наведува НБМ. Извештајот лоцира две групи на ризк-фактори. Првата поврзана со неизвесноста околку глобалното закрепнување и континуираните надолни ревизии на странската ефективна побарувачка, при што постојат неповолни ризици за надворешната позиција на економијата. На домашен терен, ризиците главно се поврзуваат со политичката криза, при што Народната банка повторно упатува на можноста од превземање на мерки. “Исто така, во рамки на домашните економски фактори, при неможност целосно да се оценат потенцијалните ефекти од најавените нови капацитети, постојат ризици за проекцијата на надворешната позиција од овој извор, засега оценети како поволни. Покрај ова, за разлика од претходните циклуси, во основното макроекономско сценарио постојат дополнителни ризици од домашни неекономски фактори (неизвесност околу политичките случувања), кои би можеле неповолно да се одразат врз домашната економија. Овие ризици упатуваат на потреба од постојано следење на евентуалните промени во домашните и надворешните економски услови во наредниот период и навремено преземање соодветни мерки“, пишува во мајската оценка. Иако очекувањата за оваа и следната година остануваат оптмистички во однос на економскиот раст, НБМ сепак упатува на тоа дека до година ќе се зголеми дефицитот на тековната сметка и ќе има намалување на девизните резерви. Според прогнозите, во 2016 та година дефицитот на тековната сметка ќе изнесува 3,1%. Влошување се очекува и кај дефицитот во размената на стоки и услуги, кој догодина ќе достигне 16,8%. “Финансирањето на тековната сметка во периодот 2015-2016 година, се очекува во најголем дел да се покрие преку странски директни инвестиции и задолжување на јавниот сектор во странство на долг рок“, се посочува во анализата и се додава: “Во периодот 2015-2016 година се очекува повисокиот дефицит на тековната сметка во однос на финансиски текови да доведе до благ падна девизните резерви. И покрај ова, во текот на целиот период на проекции показателите за адекватност на девизните резерви се одржуваат во сигурната зона“. Д.А.