28 Мај, 2024
0.0249

Промоција на стихозбирката „На врв на јазикот“ од Катица Ќулавкова

Објавено во: Мои пари 01 Јуни, 2023

Добивај вести на Viber

Новата стихозбирка на академик Катица Ќулавкова, „На врв на јазикот“, ќе биде промовирана на 6 јуни (вторник), со почеток во 19 часот, во Галеријата на Младинскиот културен центар во Скопје. Промотор на книгата ќе биде проф. д-р Наташа Аврамовска, а модератор уредничката Оливера Ќорвезироска.
Книгата, која е во издание на „Арс Либрис“, дел од „Арс Ламина – публикации“, содржи 40 песни, поделени во седум целини: Забранета љубов, Копнеж по слобода, На врв на јазикот, Претечи, маченички (поетски драми), Неиспратени писма (меѓуциклус), Око соколово (трето око) и Годишни доба.

Во поговорот на книгата писателот и книжевник Венко Андоновски истакнува:
– Како е можно со врвот на јазикот да се има синестетички пристап кон светот? Можно е, затоа што поетите знаат не само каде е врвот на јазикот туку и каде е неговиот корен. Тој е во душата. Со врвот на јазикот не се допира другиот, светот, туку сопствената душа, зашто јазикот почнува од душата. А таа гледа сè, слуша сè, допира сè, мириса сè, вкусува сè, затоа што е мудра, а мудроста е, како што пее Катица Ќулавкова, и над јазикот. Мудроста е јазик на јазикот, негова душа.

Катица Ќулавкова (Велес, 21.12.1951) е поет, есеист, теоретичар, раскажувач, препејувач и антологичар. Редовен професор (во пензија) по теорија на книжевноста, книжевна херменевтика и креативно пишување на Филолошкиот факултет „Блаже Конески“ во Скопје (Катедрата за општа и компаративна книжевност). Ќулавкова е редовен член на МАНУ (од 2003), член на Европската академија на науките (Салцбург, од 2014) и потпретседател на Меѓународниот ПЕН (од 2008). Нејзини поетски книги се преведени на повеќе јазици (албански, англиски, бугарски, италијански, португалски, романски, руски, словенечки, српски, турски, француски, хрватски, црногорски, шпански). Има објавено над 40 авторски книги поезија, огледи и раскази, како и дваесетина приредени антологии, хрестоматии и критички изданија. Раководела со повеќе републички и меѓународни истражувачки проекти. Основач е на е-списанието за компаратистика „Мираж“ и на мултијазичната колекција „Разноликост“ на Меѓународниот ПЕН, а претседавала шест години и со неговиот Комитет за превод и јазични права. Добитник е на највисоката државна награда за животно дело на Македонија „11 Октомври“, како и на многубројни награди за поезија, критика и есеистика во земјата и во странство. Живее во Скопје.

Книгата „На врв на јазикот“ е достапна во сите поголеми книжарници, во „Литература.мк“ и онлајн преку www.literatura.mk, а ќе може да се набави и на промотивниот настан во Младинскиот културен центар.

*пр-објава

Можеби ќе ве интересира

Македонското актуарско здружение одбележа 20 години постоење

Македонското актуарско здружение одбележа 20 години постоење

БИЗНИСОТ СО ГРЦИЈА, СТРАНСКИТЕ ИНВЕСТИЦИИ СО МИЗО И СТАРТОТ НА НОВАТА ВЛАДА

БИЗНИСОТ СО ГРЦИЈА, СТРАНСКИТЕ ИНВЕСТИЦИИ СО МИЗО И СТАРТОТ НА НОВАТА ВЛАДА

Енергетска поддршка од Имлек протеин на Охрид ultra trail 2024

Енергетска поддршка од Имлек протеин на Охрид ultra trail 2024

Британската инвестиција во Северна Македонија, Salience Consulting, прави дополнителна инвестиција од 2 милиони евра во Скопје за проширување на тимот и купување на поголема канцеларија

Британската инвестиција во Северна Македонија, Salience Consulting, прави дополнителна инвестиција од 2 милиони евра во Скопје за проширување на тимот и купување на поголема канцеларија

Авантурата наречена Red Bull Can You Make It? 2024 е во полн ек!

Авантурата наречена Red Bull Can You Make It? 2024 е во полн ек!

Чоколадното млеко Моја кравица ги мотивираше најмладите рекреативци на „Охрид трчаТ“

Чоколадното млеко Моја кравица ги мотивираше најмладите рекреативци на „Охрид трчаТ“

Кои ВИ функции на S24 Ultra можете да ги имате и вие на вашиот Galaxy телефон?

Кои ВИ функции на S24 Ultra можете да ги имате и вие на вашиот Galaxy телефон?

Ново искуство при пазарување со советниците за убавина во dm дрогериите: стручни совети, одредување на типот на кожа и професионално шминкање

Ново искуство при пазарување со советниците за убавина во dm дрогериите: стручни совети, одредување на типот на кожа и професионално шминкање

ELENA LUKA HOME го промовираше ексклузивниот станбено-деловен комплекс FUTURA - репер за премиум домување

ELENA LUKA HOME го промовираше ексклузивниот станбено-деловен комплекс FUTURA - репер за премиум домување