Промоција на трета книга во рамките на проектот Создади книга
Објавено во: Мои пари 08 Мај, 2015
На овогодинешниот саем за книга, ЕВН Македонија ја промовираше третата збирка раскази, дел од проектот – „Создади книга”. Авторите Сефер Селими, Ѓоко Здравески, Иван Шопов и Ѓорѓи Крстевски имаа можност да ги објават нивните кратки творби во новото издание раскази.
Авторите го изразија своето задоволство од поддршката што ЕВН им ја даде преку проектот „Создади книга” и сметаат дека ова е одлична можност нивните досега необјавени дела да стигнат до пошироката читателска публика.
„Мило ни е што проектот „Создади книга” беше позитивно оценет од публиката и јавноста. За ЕВН Македонија, ова претставува дополнителен поттик за продолжување на активностите на компанијата за поддршка на македонската литература и творештво” – изјави Ленче Карпузовска, менаџер за комуникации од ЕВН Македонија.
„Создади книга” е проект од областа на општествената одговорност за поддршка на македонската литература и поттикнување на читањето. Преку услугата е-фактура на корисниците им се испраќаат електронски фактури за електрична енергија наместо печатени. Со ова, заштедената хартија ЕВН ја пренаменува во страници во книга раскази од македонски автори кои претходно немале можност да ги објават своите дела. Во трите книги објавени досега, публикувани се делата на 14 автори, некои од нив познати на читателската публика, а некои преку овој проект го доживеаа своето првенче.
Сите посетители на самот за книга кои на штандот на издавачката куќа Табернакул ќе се пријават за услугата на ЕВН Македонија е-фактура или пак што ќе го купат последното издание од уличното списание посветено на читањето „Лице в лице” ќе имаат можност новата книга да ја добијат бесплатно. Трите изданија во наредниот период ќе бидат донирани и во библиотеките ширум државата.
Можеби ќе ве интересира
Проширување на хоризонтите за трговија и инвестиции: мисијата на WTCA во Европа и Западен Балкан
В НЕДЕЛА СИТЕ НА ВОДНО – ДАЛИ СТЕ ПОДГОТВЕНИ ЗА НАЈМАСОВНИОТ ПЛАНИНСКИ НАСТАН ВО РЕГИОНОТ „SPARKASSE LIFE ПРВ ДО ВРВ“?
Гранд Скопјe PRIME SPONSOR на овогодинешната Конференција за недвижности
Промотивен станбен кредит на Силк Роуд банка со фиксна каматна стапка за 10 години
Лирски почеток на „Видик“ со фузија на поемата „Коњски житија“ и боса нова ритамот на „Акварела“
БЕКУТАНОВА РАБОТИЛНИЦА ЗА РОДИТЕЛИ: Секој маж може да стане родител, но не може секој да биде ТАТО
TTK Банка АД Скопје по втор пат ја зголеми основната главнина преку скрип емисија на нови акции по пат на приватна понуда
ВТОР ДЕН ОД САМИТОТ НА МАКЕДОНИЈА2025: Дигитализацијата и елиминирање на корупцијата - предуслови за забрзан економски раст
Македонски Телеком со најголеми просечни брзини и најдобри резултати за вкупните перформанси на мрежата
