ПРОСЕЧНАТА ПЛАТА ПОВТОРНО ПОРАСНА - надминавме 41 илјади денари, најголем раст има во образовнието и уметноста, еве ги деталите
Објавено во: Финансии 22 Октомври, 2024
Просечната месечна исплатена нето-плата по вработен, во август 2024 година, изнесувала 41.097 денари, што е за 12,9 отсто повеќе во споредба со истиот месец лани, соопшти Државниот завод за статистика.
- Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Образование за 18,9 проценти, Уметност, забава и рекреација за 18,8 отсто и Јавна управа и одбрана; задолжително
социјално осигурување за 17 проценти - нагласуваат статистичарите.
Зголемување на просечната месечна исплатена нето-плата по вработен, во однос на претходниот месец, е забележано во секторите: Уметност, забава и рекреација за 5,3 проценти, Земјоделство, шумарство и рибарство за 4,2 отсто и Објекти за сместување и сервисни дејности со храна 3.2 проценти.
Просечната месечна исплатена бруто-плата, пак, во август годинава, изнесувала 61.806 денари.