Добивај вести на Viber
Приведени 100 лица, а повредени 29 демонстранти и 56 полицајци во денешните протести во Приштина. Според косовските медиуми, приштинските улици сега се празни, а во градот е мирно по силниот судир меѓу полицијата и демонтрантите.
Демонстрантите се повлекоа доцна попладне, околу 18 часот, но низ градот сѐ уште има полициско обезбедување, јавува српскиот медиум Б92.
Во центарот на Приштина оштетени се многу објекти и излози.
Демонстрантите врз специјалните полициски единици фрлале камења, тврди предмети и молотови коктели, а полицијата им возвратила со солзавец, водени топови и гумени куршуми.
Директорот на косовската полиција Шпенд Маџуни изјави дека во денешните насилни протести полесно или потешко се повредени 56 полицајци.
Според него мирните протести ескалирале во насилни кога одредени групи почнале да го загрозуваат јавниот ред и мир.
Меѓу приведените бил и градоначалникот на Приштина и потпретседател на движењето Шпенд Ахмети, но тој набргу бил пуштен.
Според косовските медиуми повреден е и шефот на „Самоопределување“ Висар Имери.
Демонстрантите носат пароли „Без Трепча нема држава„, „Трепцча е наша, а не српска“, „Иса (премиерот на Косово Мустафа) е слуга на Србија“, „Хашим (првиот потпретседател на владата Тачи) во затвор“ и други.
Демонстрантите бараат и смена на министерот за враќање и заедници, Александар Јаблановиќ зашто демонстрантите што на Божик во Ѓаковиќа спречија да минат автобуси со раселени Срби ги нарекол „дивјаци“, како и комбинатот Трепча итно да стане јавно претпријатие, на што се спротивставува владата на Србија и политичките претставници на Србите од Косово.
Премиерот на Косово и заменик премиерот Иса Мустафа и Хашим Тачи, денешните протести ги оценија како напад врз институциите на Косово и обид за насилно превземање на власта.
УМНИК изрази загриженост поради случувањата.
[embed]https://www.youtube.com/watch?x-yt-ts=1422327029&v=y3HhDIamFaE&x-yt-cl=84838260#t=6306[/embed]