ПРВ ПАТ – АМЕРИКАНСКИ ВОЈНИЦИ ЗАГИНАА ВО НАПАД НА ДРОН ВО ЈОРДАН: Има и голем број ранети

Добивај вести на Viber

Првпат пат од почетокот на војната меѓу Израел и Хамас се случува да загине американски воен персонал.

Тројца војници на американската армија се убиени, а многумина се ранети во напад со беспилотно летало во текот на ноќта врз американски пункт во Јордан, изјави американскиот претседател Џо Бајден, што претставува значителна ескалација на тензиите на Блискиот Исток.

„Синоќа тројца американски војници беа убиени – и многу ранети – за време на напад со беспилотно летало врз нашите сили стационирани во североисточниот дел на Јордан во близина на сириската граница“, рече Бајден во соопштението објавено од Белата куќ.

„Додека сè уште ги собираме фактите за овој напад, знаеме дека е извршен од радикални милитантни групи поддржани од Иран кои дејствуваат во Сирија и Ирак“.

Во соопштението издадено од Централната команда на САД (ЦЕНТКОМ) се наведува дека дури 25 војници се повредени.

Американската противвоздушна одбрана не успеала да го пресретне дронот, кој беше прв во објектот, познат како кула 22, откако нападите врз цели на САД и коалицијата во регионот ескалираа на 17 октомври. Американските сили се стационирани во регионот да обезбеди обука и помош за јорданските војници.

„Тројцата американски војници кои ги загубивме беа патриоти во највисока смисла“, рече Бајден во својата официјална изјава. „И нивната крајна жртва никогаш нема да биде заборавена од нашата нација“.

Американскиот претседател додаде: „Ние ќе ја спроведеме нивната посветеност во борбата против тероризмот. И не се сомневајте – ќе бараме одговорност од сите одговорни на начин што сами ќе го избереме“.