Првиот кредит на банката на БРИКС ќе биде во јуани
Објавено во: Економија 26 Јули, 2015
Новата банка за развој - БРИКС (Бразил, Русија, Индија, Кина, Јужна Африка) ќе додели прв заем во кинеската национална валута - јуанот.
Веста ја објави претседателот на новата финансиска институција Кундапур Вама Каматх, пренесуваат странски медиуми.
"Првиот заем на банката ќе биде одобрен во април 2016 и ќе биде во јуани", соопштува интернет страницата на индиското списание "Аутлук".
Договор за основање на Нова банка за развој (НБР) беше потпишан на самитот БРИКС во Бразил во јули 2014 година.
Банката е наменета за финансирање на инфраструктурни проекти и проекти за одржлив развој во земјите од БРИКС и земјите во развој.
Големината на основниот капитал на банката е 100 милијарди долари. Нејзиното седиште се наоѓа во Шангај.
Претходно потпретседателот на банката од Русија Владимир Казбеков најави дека изборот на инвестициски проекти ќе започне до крајот на оваа година. Оваа недела во Шангај се отвори и првата филијала на банката на БРИКС.