Прво судење во 2017: СЈО против началникот на Петта управа Горан Грујевски
Објавено во: Македонија 17 Јануари, 2017
Денеска продолжува судскиот процес против екс началникот на Петтата управа во МВР, Горан Грујевски за случајот на Специјалното јавно обвинителство познат како „Тврдина 2“. Тој и уште шест архиварки во Управата за безбедност и контраразузнавање се обвинети дека уништиле службени документи на тајната полиција.
Судот на претходното рочиште го задолжи Специјалното обвинителство да обезбеди дозвола од УБК за да ги користи доказите кои биле класифицирани. Тимот на Катица Јанева информираше дека добил одговор од тајната полиција, но не кажаа каков. Ќе и’ го предале на судијката за таа да одлучи дали на доказите ќе им се тргне префиксот „тајни“ и дали тие и ќе се користат во судскит процес.
Ова беше првото обвинение кое го поднесе Специјалното јавно обвинителство. На прес конференцијата обвинителката Фатиме Фетаи изјави дека СЈО располага со доволен број докази од кои основано може да се очекува донесување на осудителна пресуда.
„Првообвинетиот во својство на службено лице во Петтата управа при УБК незаконито формирал комисија за ништење на службена документација и заедно со шесте членови на комисијата уништиле 2.047 службени списи, од кои 22 се однесуваат за системите за следење на комуникациите. Во списите имало и класифицирани документи“, рече Фетаи на прес конференцијата на 15 септември минатата година.
Според обвинението, инволвираните без никаква процедура за ништење ги запалиле списите на локација која им била посочена од началникот Грујевски. Уништени се и класифицирани информации без уништувањето да биде извршено на начин кој ќе овозможи понатамошно обновување на класифицираниот материјал.
Судењето го води судијката Лидија Петровска, за која СЈО бараше изземање поради нејзиното спомнување во таканаречените „бомби“ коишто минатата година ги објавуваше лидерот на опозицијата Зоран Заев. Кривичниот суд го одби барањето на СЈО со образложение дека нема околности што предизвикуваат сомневање за нејзината непристрасност.
Обвинетите во Титаник 2 се гонат за кривичното дело „Фалсификување службена исправа“.
Девет Т на СЈО
Специјалното јавно обвинителство досега отвори девет истраги и поднесе две обвиненија. Осомничени се десетици лица, актуелни и поранешни државни и локални функционери а 21 се обвинети. Сите истраги се на буквата Т, Таргет, Титаник, Тортура, ТНТ, Транспортер, Тврдина, Трезор, Топлик и Тендери, освен обвиненијата кои завршија во Кривичниот суд и за кои во тек се судски процеси останаа без име.
Можеби ќе ве интересира
МИЦКОСКИ БЕШЕ ВО ЦРКВА: „Наша заедничка приказна е и заветот и желбата да обезбедиме иднина на нашата заедничка татковина Македонија“
„МИЦКОСКИ ИМАШЕ СРЕДБИ СО ЛУЃЕ СО БИТНО ВЛИЈАНИЕ ЗА МАКЕДОНСКИТЕ ИНТЕРЕСИ ПОВЕЌЕ ОД СИТЕ ВЛАДИ НА СДСМ“: „А Таче не се брои, пошто е битен ко семафор на пешачки во Чаир“ - Латас распали
САРАЕВО Е ПРВО: Скопје е 11-ти најзагаден град во светот
„ЕУРОЊУЗ“: Македонија има најзагаден воздух во Европа - кои држави се во иста група?
ИЗМАМЕН ТЕТОВЧАНЕЦ: Му ветиле 17.000 долари, а останал без пари
ПОЧИНА ДОАЈЕНОТ НА МАКЕДОНСКОТО СПИКЕРСТВО, СНЕЖАНА ЛИПКОВСКА: Прерпознатлива во цела бивша Југославија по зелените очи и моќниот глас
ИМА ВЕРБА ДЕКА МВР ЌЕ ГИ ОТКРИЕ СТОРИТЕЛИТЕ - сопственичката на бутикот што изгоре во Карпош се заблагодарува за поддршката
ЛЕКОВИ, ИНСУЛИНСКИ ИГЛИ, КЛУЧЕВИ ЗА АВТОМОБИЛИ, ОБЛЕКА - цариниците со „полни раце работа“, еве што се заплениле
Села: Зошто Мицкоски и функционерите од „Вреди“ не ги покажат поканите од инаугурацијата?
