РАМА БАРА КОСОВО И АЛБАНИЈА ДА ИМААТ ЕДЕН ПРЕТСЕДАТЕЛ: Што вели Брисел на ова?

Добивај вести на Viber

Премиерот на Албанија, Еди Рама предложи неговата земја и Косово да имаат заеднички претседател. Тој ова го изјави во парламентот на Косово на свечената седница по повод десеттата годишнина од независноста на Косово.

Приштинските медиуми наведуваат дека Рама беше внимателен потсетувајќи дека е малку веројатно оваа идеја да се реализира во скоро време.

„Косово и Албанија треба да имаат заедничка надворешна политика, а не само заеднички амбасади и дипломатски мисии, зошто не и еден претседател како симбол на националното единство и националната безбедносна политика“- кажа Рама. 

Но, и самиот вели дека ова е малку веројатно дека ќе се случи за брзо време. 

Рама рече дека пред една деценија Косово го оствари големото тежнеење со тоа што стана „најновата држава на картата на светот“ и дека денес има „повеќе од 115 признавања“, како и дека постигнало значителен успех во јакнењето на институциите и демократската држава.

„Мислам дека сите го имавте истото мислење дека прославата на независноста на Косово беше повеќе утопија отколку можен проект. Да го ставиме на страна тоа дека премиерот на Албанија се обраќа во собранието на Косово за десеттата годишнина од независноста, што не беше можно да се замисли ни како фантазија, но сето тоа се случи“- изјави Рама.

Тој истакна дека Косово и Албанија се „две реалности кои се административно одвоени, но кои живеат во меѓусебна природна, економска, политичка и институционална интеракција во функција на несопирливото приближување со идна национална програма“.

Неговата изјава за заеднички претседател  предизвика реакции од политичките партии на Косово. Најголемата косовска партија – Демократската лига на Косово, е против таа идеја.

Брисел реагира на ставовите на Рама. 

Косовскиот весник „Експрес“ ги пренесе зборовите на потрпаролот на Европската комисија, Катерине Реј, која вели дека ваквите изјави се несоодветни.