РАСТЕ КРЕДИТИРАЊЕТО НА КОМПАНИИТЕ – индустрискиот сектор најголем корисник на банкарските заеми
Објавено во: Финансии 14 Мај, 2025 07:43
Комерцијалните банки стануваат поотворени кон компаниите, и кон кредитирањето на бизнис заедницата. Во последниот извештај на НБРСМ за ризиците во секторот се објавени и податоци за кредитирањето, во кој може да се види дека кредитирањето на компаниите расте.
- Кредитирањето на нефинансискиот сектор забележа забрзан раст во текот на 2024 година, достигнувајќи стапка којае највисока од втората половина на 2009 година наваму. На крајот од 2024 година, вкупните кредити на нефинансискиот сектор пораснаа за 49.365 милиони денари или за 11,2 отсто во однос на 2023 година. Кредитирањето на претпријатијата и на домаќинствата се зголеми, а околу 60 проценти од растот отпаѓа на зголеменото кредитирање на претпријатијата. Анализирано по одделни банки, раст на кредитирањето бележат единаесет од вкупно дванаесет банки, а растот најмногу произлегува од повисокото кредитирање од страна на големите банки– појаснуваат од НБРМ во извештајот.
Притоа додаваат оти обемот на новоодобрени кредити на нефинансискиот сектор во 2024 година е повисок за 10,2 отсто и е во склад со растот на вкупните кредити. По сектори, забележително зголемување на новоодобрените кредити има кај претпријатијата за 11,7 проценти и кај домаќинствата за 8 отсто.
- Кредитирањето на претпријатијата значително забрза во текот на 2024 година и ги надмина стапките на висок годишен раст од 2021 и 2022 година. На 31.12.2024 година, вкупните кредити на претпријатијата беа повисоки за 29.342 милиона денари или за 13,9 проценти во споредба со крајот на 2023 година. Зголемувањето се должи на високиот двоцифрен раст во повеќе дејности, и тоа: енергетскиот сектор за 53,2 отсто,стручните, научните и техничките дејности за 23 проценти, преработувачката индустрија за 13,4 отсто, земјоделството за 11,8 проценти, градежниот сектор за 10,7 отсто, угостителскиот сектор за 10,7 проценти – се посочува во извештајот.
Банкарите укажуваат дека овие промени се резултат на олеснување на кредитните услови, односно поради намалување на каматните стапки и зголемување на побарувачката на кредити.
- Очекувањата за првото тримесечје од 2025 година се дека кредитните услови умерено ќе се олеснат, а побарувачката ќе се зголемува. Во структурата на кредитите според големината на друштвата, учеството на кредитите на големите претпријатија се зацврстува. Но, кредитите на микропретпријатијата и понатаму се најмалку застапени во кредитното портфолио на банките. Повисокото учество на кредитите на поголемите претпријатија се должи на поголемите износи на кредити кои им се одобрени, а делумно и на резервираноста на банките во однос на кредитирањето на помалите претпријатија. Во однос на дејноста на клиентите, најголемо е учеството на кредитите на претпријатијата во индустрискиот сектор (35,3 отсто), трговија на големо и мало (26,2 проценти), а значително е и учеството на кредитите во градежништвото (19,4 отсто) – се појаснува во извештајот.
Притоа е нагласено дека забрзан раст во 2024 година бележи и кредитирањето на домаќинствата, но тоа не е изразено како кај претпријатијата. Вкупните кредити на домаќинствата на крајот од 2024 година на годишна основа се зголемени за 20.288 милиони денари или за 9 проценти.
Според валутната структура на кредитите, растот е особено изразен кај денарските кредити, чиезголемување учествува со 93 отсто во вкупниот раст на кредитите.
На крајот од 2024 година, долгорочните кредити пораснаа за 39.424 милиони денари, односно за 10,9 отсто, а краткорочните кредити се зголемија за 9.422 милиона денари или за 14,3 проценти. Во рочната структура на кредитите, долгорочните кредити имаат најголемо учество од 84 отсто коебележи мало намалување за сметка на сѐ поголемото учество на краткорочните кредити од 15,7 отсто.
П.О.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
„КОЛКУ ПАПАЈА МОЖЕ ДА КУПИ ВЛАДАТА ОД НОВА ГОДИНА ДО БОЖИЌ КОРИСТЕЈЌИ ГИ САМО ТИЕ ПРИХОДИ?“ Анализа на потрошувачката на гориво по пробниот старт на „Сејф сити“
„ЧЕКАМ ОДЛУКА И МОЛАМ БОГА ДА ПОМИНАМ СО КАЗНА, ДА НЕ МЕ ВРАТАТ НАЗАД“: Балканец во Германија за 50 евра - косење трева на црно, бил пријавен од човекот каде што работел, сам го викнал па го пријавил!
ИМА ЛИ КАНДИДАТ КОЈ БИ ПРАВЕЛ ЕКОНОМСКИ ПРЕСМЕТКИ ЗА ФИСКАЛНИОТ СОВЕТ – платата е вртоглава, а работното време вообичаено
„Од почетокот на годинава наплативме приходи од 1,95 милијарди евра“: Николовски објави дека бележат раст во сите сектори
РОДИМЕ МАЈКО СО КСМЕТ И ВРАБОТИМЕ ВО АГЕНЦИЈА – „регулираат“ железнички сектор и имаат вртоглави плати
СТАН ВО НЕА ПОТИДЕЈА - ХАЛКИДИКИ ЗА 49 ИЛЈАДИ ЕВРА! Има поглед на море и големина од 60 метри квадратни
Експерт од Microsoft се сели во Apple – Ова е новиот раководител на вештачката интелигенција
Фриленсери, издавачи на станови преку платформи, добивка од криптовалути - секој прилив од странство мора да се пријави
АКО СИТЕ ДЕНЕС НАПРАВАТ ПРЕКРШОК ОД 45 ЕВРА, ЗА 65 ИЛЈАДИ ВОЗИЛА, МВР ЌЕ ИНКАСИРА БЛИЗУ 3 МИЛИОНИ ЕВРА: Еве што вели пресметката
