Растот на економијата со забавено темпо, ризиците демнат, заздравување в година?!

Добивај вести на Viber

Закрепнувањето на европските економии ќе оди бавно, оценките за странската побарувачка се влошени во однос на очекувањата, позитивни трендови на пазарот на труд не се очекуваат. Ова се дел од оценките на Народната Банка на Македонија, презентирани во најновиот октомвриски Извештај. На домашен терен, инфлацијата е во рамките на проекциите, иако на месечно ниво, во септември се забележува тренд на пораст. НБРМ посочува на забрзан раст на базичната инфлација, кој според аналитиката на Централната банка е резултат на растот на цените на храната и на енергијата во дргите земји. Нафтата и храната – поскапуваат, ќе се прелее ли ценовниот удар? И остатокот од оваа 2013 та година ќе помине во знакот на економска неизвесност, намалена побарувачка и битка со рецисија за дел од европските економии. Откако Германија и Италија во надолна линија ги ревидираа прокециите за економски раст годинава, повеќе оптимизам за посериозно економско заздравување, НБРМ очекува во 2014 та година.

“Во 2014 година се задржани  очекувањата за заздравување на странската побарувачка и за нејзино враќање во позитивната зона, при што се оценува дека растот ќе изнесува 0,9%. “ – пишува во Извештајот на Народната Банка.

Ценовниот раст кај храната и нафтата ќе продолжи до крајот на оваа година. Цената на нафтата во третиот квартал достигна 83,4 долари за барел, што е повисоко ниво од априлската проекција на НБМ. Повисоките цени се толкуваат како резултат на зголемената економска активност во некои од моќните економии, но и политичаката неизвесност на Блискиот исток.

“Повисоки цени се очекуваат и во четвртиот квартал од годината како одраз на позитивните сигнали на страната на побарувачката коишто произлегоа од економскиот раст на САД, Кина и евро-зоната, комбинирани со зголемените геополитички ризици на Блискиот Исток и особено во Либија.

Според најновите проекции на Народната банка, до година намалувањето на цената на нафтата ќе биде со помало темпо од очекуваното. Во исто време, догодина се очекува раст на цените на храната.

“Во 2014 година е извршена нагорна ревизија на цените на житарките, односно се очекува повисок раст кај пченицата, а понизок пад кај пченката, во однос на априлските проекции“ – оценува НБРМ.

На домашен терен, во септември годишната стапка на инфлација изнесувала 1,6% а потрошувачките цени забележале раст од 0,2%.

“Месечното забрзување на базичната инфлација во септември се објаснува со растот на цените на лековите, како и со сезонскиот раст на цените на авиобилетите и на облеката и обувките.  Дел од овие фактори се очекува дека ќе имаат привремен карактер. “ – оценува аналитиката на Народната Банка.

Растот на БДП ќе забави! По првите два квартали – НБРМ оценува дека во третиот се топи оптимизмот за повисока стапка на економски раст, откако во вориот квартал беше измерен раст на БДП од 3,9%.

“Расположливите податоци за третиот квартал на 2013 година упатуваат на продолжување на растот, но побавно во однос на претходниот квартал.“- пишува во извештајот на НБРМ.

Раст на индустријата иако продолжи во двата месеци од третиот квартал, тој тренд е побавен.

“Во август индустриското производство забележа годишен пад, заради повторно слабите остварувања кај металната индустрија по двомесечното умерено закрепнување, надополнето со падот кај прехранбената индустрија и производството на фармацевтски производи.

Според очекувањата, градежништвото ќе остане во позитивна зона на раст, но негативни трендови има во секторот трговија.

“Поместувањата кај трговијата упатуваат на неповолни движења, забележувајќи засилен годишен реален пад во јули, во услови на пад кај трговијата на мало и трговијата со моторни возила. “

Дел од бизнисмените од автомобилскиот сектор, веќе алармираа дека и оваа 2013 та година ќе биде една од потешките, посочувајќи дека продажабата е преполовена. Монетарните показатели, според последните податоци за септември упатуваат на значаен ризик за остварување на проектираните кредитни текови за третото тримесечје и до крајот на годината. Д.А.