Разгледувањето на понудите започнува! Министерот за енергетика Акежанов: Казахстан ќе одлучи за купување на средствата на Лукоил до крајот на неделата

Добивај вести на Viber

Разговорите за купување на средствата на руската компанија Лукоил во Казахстан сè уште не се одржани, но одлуката може да се донесе до крајот на неделата, изјави министерот за енергетика Јерлан Акежанов за новинарите.

Тој исто така рече дека владата сè уште го проценува влијанието на западните санкции воведени врз руската компанија Лукоил, која е вклучена во проекти во земјата, објави ТАСС.

„Таквите разговори сè уште не се одржани. Санкциите се проучуваат, а нивното влијание врз компаниите и економијата сè уште не е целосно оценето. Мислам дека наскоро ќе донесеме одлука, во наредните денови, до крајот на оваа недела“, рече Акежанов, одговарајќи на прашања за тоа дали владата планира да купи средства на Лукоил во Казахстан и колку време ќе биде потребно за да се донесе одлука, објави агенцијата.

Руската нафтена компанија Лукоил претходно објави дека има намера да ги продаде своите средства во странство поради воведувањето рестриктивни мерки од страна на некои земји против компанијата и нејзините подружници.

Во соопштението објавено на веб-страницата на компанијата се додава дека разгледувањето на понудите од потенцијалните купувачи веќе е започнато.

Руската нафтена групација „Лукоил“ денеска соопшти дека има намера да ги продаде своите меѓународни активи, како резултат на „воведувањето рестриктивни мерки против компанијата и нејзините подружници од страна на некои држави“.

Фото: Архива