Реакција на Комерцијална банка: За детална анализа, потребни ќе бидат ревизорските извештаи

Добивај вести на Viber

Комерцијална банка АД Скопје ги известува своите акционери, депоненти, соработници и други засегнати страни дека согласно Правилата за котација ги објави неревидираните Биланс на успех и Биланс на состојба за периодот 01.01-31.12.2014 година. Во реакцијата на Комерцијална банка по објавениот текст на Фактор се вели следново: „Со оглед дека од страна на одредени медиуми се прават обиди за анализирање на овие документи и врз основа на тоа се изведени одредени паушални заклучоци за стратегијата на Банката, нејзините политики и правци на дејствување, информираме дека овие анализи не се базирани на сите релевантни информации. Согласно законската регулатива, деталните белешки кои се изработуваат токму за прецизно запознавање на јавноста со политиките на Банката, деталните позиции на финансиските извештаи и други значајни информации ќе бидат објавени во рамките на ревизорските извештаи за 2014 година, каде освен овие два биланси ќе се презентираат многи други значајни информации. Ова е вообичаена политика на Банката, при што се објавуваат сите ревизорски белешки, со што се дава увид во деталите за работењето на Банката. Оваа објава се прави во рамките на собраниските материјали најчесто на почетокот на Март и истата ке биде достапна на веб страната на Банката“, пишува во соопштението од банката.