Рекордно големиот буџет одобрен во рекордно време
Објавено во: Финансии 20 Септември, 2016
Владата на Република Македонија го одобри предлог буџетот за 2017-та година кој е рекордно голем со предвидени трошења од 3.3 милијарди евра на 3% годишен раст на економијата. Предлогот на министерот за финансии Кирил Миновски е речиси експресно прифатен и изгласан на неколку минути пред полноќ на владина седница.
Причината за брзањето била што Миновски заминувал на службен пат, па морале да се побрза со процедурата. Сепак, реалноста вели дека предлог буџетот ќе мора да помине во Собранието чиј мандат истекува и наскоро ќе се распушти пред да се одржат изборите.
Тоа ќе предизвика и експедитивна собраниска процедура која опозицијата ќе се обиде да ја забави бидејќи смета дека не треба сега да се гласа буџетот, туку по изборите во декември и тој да го состави новата влада која ќе наметне свои економски политики.
Заменик министерот за финансии Кире Наумов предложи модел на привремено финансирање, но беше одбиен.Да потсетиме денес беше изгласан и ребаланс на актуелниот буџет за прераспредлба на средства за настраданите од поплавите во износ од 35 милиони евра.