(Рецепт + ВИДЕО) Како да си направите гел од алое вера дома?

Добивај вести на Viber

Една од многуте предности на Алоето е брзиот раст на ова корисно растение. Затоа, секогаш има доволен број долни листови кои би можеле да ги искористите за да направите гел од алое вера сами дома. Еве ја и класичната рецепта за гел од алое. Користиете ја внатрешноста на листот, која се одвојува откако ќе се подели така, како што е прикажано во видеото. Пресечете ги долните листови на растението, измијте ги и ставете под агол од 45 степени. Нека се исцеди целата жолта течност. Оваа жолта течност не е за секој - ова е еден многу силен лаксатив, и некои луѓе можат да го поминат целиот ден во тоалетот, ако не внимаваат. Ако листовите на алое вера при допир се тврди - тоа е добар знак дека растението е здраво. За да се добие гел од алое најсоодветната возраст на растението треба да е барем 2-3 години (по можност над 3 години). По некое време, кога течноста се исцеди, се сечат краевите на листовите на 5cm - оној дел кој не е потребен. Потоа отстранете ја кожата со остар нож од горната и долната страна на листот. Ако листот е голем, однапред го сечете на неколку сегменти. Природниот гел од алое има малку горчлив вкус, но убаво е да земете барем лажичка од него веднаш по добивањето - тој е многу корисен за здрави заби и чиста уста. Можно е да се користи чист гел од алое вера, но може да се меша со други состојки, како што е дадено во рецептот подолу: ¼ чаша алое вера гел и ситно сечкани млади листови 1/8 лажичка лимонска киселина ¼ лажичка витамин Е масло 1 лажичка кокосово масло [embed width="700" height="450" ]https://youtu.be/CPjUHfQheX4[/embed] Се комбинираат сите состојки во блендер и се мешаат до добивање на хомогена смеса. Ставете во сад со цврст капак. Гелот може да се чува во фрижидер до 1 месец. Овој гел е голема помош за изгореници и кожни проблеми (вклучувајќи воспаленија). Тој ја  лади и хидрира кожата. Нанесете го на болниот дел од кожата, и веднаш ќе почувствувате олеснување. Исто така, гелот може да се користи како дел од други рецепти врз основа на алое вера, со додавање на други состојки кон него.