“Режимот“ на Груевски падна и ги ослободи медиумите: реалност или лага?

Добивај вести на Viber

Македонија се најде на 109-то место во најновиот Извештај за слобода на медиумите на Репортери без граници.

Минатата година, Македонија беше рангирана како 111-та. 

Во извештајот се наведува дека „систематските напади на слободата на медиумите била констатна појава за време на децениското владеење на Никола Груевски и ВМРО-ДПМНЕ, кое конечно заврши со изборот на новата влада во јуни 2017 година“.

– За време на десетгодишното владеење, Груевски воспостави ниво на контрола врз медиумите што не можеше да се спореди со ниедна друга балканска земја, а многу опозициски медиуми мораа да згаснат, се вели во Извештајот .

Репортери без граници оценува дека Јавниот радио-телевизиски сервис „сѐ уште е во служба на ВМРО-ДПМНЕ“.

– Падот на режимот на Груевски доведе до намалување на владината контрола врз медиумите, но се уште е рано со сигурност да се оценат владините намери да создаде трајно подобрување на ситуацијата. Нема значителни промени во економската ситуација на новинарите во Македонија кои се слабо платени, а работните места не им се сигурни, стои во Извештајот.

Во светот најслободни медиуми има во Норвешка, Шведска и Холандија, а слободата на медиумите е најзагрозена во Туркменистан, Северна Кореја и Еритреја.