РОДИ МЕ МАЈКО СО К'СМЕТ, ФУДБАЛЕР ДА БИДАМ: Еве колу пари ќе земат репрезентациите на Европското првенство во фудбал

Добивај вести на Viber

Еден милион за победа, 500.000 евра за нерешено! Колку пари ќе земат репрезентациите на ЕП во фудбал?

Прашањето за парите и фудбалот секогаш одат заедно. Колку е платен Роналдо, колку Митровиќ, колку Нејмар? Она што им е заедничко се главно вртоглави милиони бројки. А колку се платени репрезентациите, особено во духот на Европското фудбалско првенство што е во тек?

Секоја од 24-те репрезентации кои успеаја да се пласираат на ЕП 2024 и со тоа што успеаја да стигнат до ова натпреварување во Германија, заработија 9,25 милиони евра.

Секоја победа во групата на репрезентациите им носи дополнителен милион евра, ремито резултира со половина милион, а Европската фудбалска унија пред почетокот на натпреварувањето објави колкав ќе биде вкупниот награден фонд - 331 милион евра.

УЕФА ќе ги награди екипите за пласман во осминафиналето со дополнителни 1,5 милиони евра, за четвртфиналето со 2,5 милиони, а за полуфиналето со четири милиони евра.

Кој ќе стигне до финалето и ќе го загуби тој меч добива пет милиони евра, додека идниот европски првак ќе инкасира осум милиони евра.

Максималната сума што може да ја добие една екипа, а која ги подразбира сите победи, вклучувајќи ги и сите три натпревари во групата, е - 28,25 милиони евра, пишува порталот Морнингстар.

Колку заработуваат играчите?

Она што се издвојува како важна работа е тоа што на Европските и Светските првенства фудбалерите не заработуваат плата за настап во својата репрезентација. Наместо тоа, тие добиваат бонуси или дневници врз основа на перформансите на тимот.

Наградните пари одат за фудбалската асоцијација или организација на една земја, а здружението дели пари на спортистите врз основа на договорите потпишани од играчите пред турнирот.

Репрезентациите и нивните фудбалски асоцијации имаат посебни договори со своите играчи за платите, така што фудбалерот на белгискиот тим, на пример, не може да добие ист износ како играч во француската репрезентација, дури и ако тимовите освоиле ист број на игри.

Многу фудбалски федерации на своите играчи им плаќаат паушално, а некои од нив, особено оние кои заработиле големи суми во клупската кариера, често ги донираат парите што ги добиваат.

Што прават фудбалерите со парите?

На пример, кога француската сензација Килијан Мбапе имаше 19 години, тој заработуваше околу 22.300 долари по натпревар на Светското првенство во 2018 година, плус пријавен бонус од 350.000 долари за победа во финалето.

Тој тогаш парите ги донираше на Здружението Premiers de Cordees кое организира спортски настани за деца со пречки во развојот.