РУСИЈА СЕ ЗАКАНИ НА ФРАНЦИЈА: Проектил би можел да стигне до Париз за нешто повеќе од две минути

Добивај вести на Viber

Русија се заканува на Франција со нуклеарен напад. 

Потпретседателот на Думата, Пјотр Толстој, потврди дека Москва ја разгледува и можноста за нуклеарен напад врз Париз ако француските војници да влезат во Украина.

Толстој за француската телевизија БФМ ТВ изјави дека проектил истрелан од Русија би можел да стигне до француската престолнина за нешто повеќе од две минути.

Францускиот претседател Емануел Макрон претходно предупреди дека може да испрати војници на линијата на украинскиот фронт доколку Русија напредува кон Киев. Макрон рече дека повеќе нема да има „црвени линии“ за вклучување на Франција, чија армија е дел од глобалните сили на НАТО. Толстој жестоко реагираше на предупредувањето на Макрон.

„Историски е важно Русија да ја обезбеди безбедноста на земјата“, рече Толстој, додавајќи дека земјите од НАТО, вклучително и Франција, поставуваат проектили околу границите на Русија.

На приватен состанок со лидерите на опозицијата во Елисејската палата, Макрон, наводно, ја изложил основата за влегување во војната која беснее две години и им покажал на високи членови на француската влада мапи кои покажуваат каде ќе бидат распоредени француските трупи во случај Русија да напредува на Одеса или Киев.

Руската инвазија на Украина почна пред две години и еден месец.