Добивај вести на Viber
Генерал Хоџа, односно поранешниот началник на Генералштабот на албанската армија, Луан Хоџа, добил азил во САД, објави МИА. Во отсуство тој беше осуден на 6 години затвор во случајот „Грдец“, поради големата експлозија во фабрика за демонтирање муниција во близина на Тирана.
Пред да ја слушне пресудата, во 2012 година пребегна во САД и поднесе барање за политички азил, додека во текот на судењето адвокатот изјави дека неговиот клиент е невин и ги отфрли сите обвиненија поврзано со експлозијата во 2008 година, кога загинаа 26, а повредени беа повеќе од 300 лица и уништени 5.000 домови.
Во меѓувреме тројцата главни обвинети за несреќата добија вкупно 46 години затвор.. Станува збор за Дритан Минџози, одговорен на фабриката за демонтирање, Или Пинари директор на МЕИКО, компанија за пласман на муницијата и Михаил Делиорѓи, администратор на фирмата „Алба Демил“ .
За останатите обвинети сидот изрече пониски затворски казни.