САЛИВАН ВО КИЕВ: Пакетот за воена помош „ќе стигне до Украина“

Добивај вести на Viber

Пакетот за воена помош „ќе стигне до Украина“. Вакво ветување стигна од советникот за национална безбедност на Белата куќа, Џејк Саливан. 

Тој за време на посетата на Киев вчера изјави дека големиот пакет помош од САД блокиран од републиканците со месеци „ќе стигне до Украина“ и вети дека поддршката на Вашингтон ќе продолжи.

„Од наша перспектива, ние сме уверени дека ќе го направиме тоа. Оваа помош ќе стигне до Украина“, рече Саливан на заедничката прес-конференција по состанокот со шефот на кабинетот на украинскиот претседател, Андриј Јермак.

Саливан не даде временска рамка, но додаде дека нема потреба да се зборува за „план Б“.

„Уверен сум дека ќе го постигнеме планот А. Ќе добиеме силна двопартиска поддршка во Претставничкиот дом за пакетот помош за Украина“, рече тој. 

Aмериканската помош за Украина е заглавена во Конгресот од крајот на минатата година, поради одбивањето на демократите на претседателот Џо Бајен во буџетот за издвојувањето за воена помош на Украина, Израел и Тајван да влучат и средства за зајакнување на порозната граница на САД со Мексико којашто изминатите четири години нелегално ја минаа милиони мигранти главно од Латинска Америка, што е главното барање на републиканците.

Инаку, руската инвазија на Украина почна пред повеќе од две години/