САМО ВО ЧЕТВРТИОТ КВАРТАЛ ВЛОЖЕНИ НАД 320 МИЛИОНИ ЕВРА ВО НЕДВИЖНИНИ: се купувало со засилено темпо, забележан е раст од 16 проценти
Објавено во: Финансии 28 Март, 2025 08:34
Купопродажбата на станови и деловни објекти во последниот квартал од минатата година значително се зголемила во споредба со третиот квартал и тоа од високи 16 проценти. Податоците на Агенцијата за катастар на недвижности покажуваат дека интересот кај граѓаните за тргување со недвижнини не се намалува.
Имено, во четвртиот квартал од 2024 година во регистарот за цени и закупи при Агенцијата биле внесени 9.054 трансакции, од кои 6.433 купопродажби на недвижности и 2.621 закупи на недвижен имот.
- Бројот на купопродажби регистрирани во Регистарот на цени и закупнини во периодот октомври - декември 2024 година во однос на периодот јули - септември 2024 година е зголемен за 16 отсто, додека бројот на закупи е исто така зголемен за 33 проценти – се посочува во кварталниот извештај на Катастарот.
За потсетување, во период јули - септември 2024 година во базата на Регистарот на цени и закупнини се внесени 7.491 трансакција, од кои 5.525 купопродажби на недвижности и 1.966 закупи на недвижен имот.
Од Катастар откриваат дека во период октомври, ноември и декември најмногу купопродажби се регистрирани во ноември, и тоа вкупно 2.252, додека во октомври се регистрирани најмалку купопродажби, и тоа 2.007.
Податоците покажуваат дека најмногу се тргува со станови, и во овој период биле продадени 2.419 станови чија вредност достигнува 160,6 милиони евра. Во споменатиот период биле продадени 691 куќи со вредност од 43,1 милион евра, додека бројот на тргувани деловни објекти бил 242 со вкупна вредност од 43,9 милиони евра. Биле продадени и 1,954 земјоделски или шумски парцели и нивната вредност надминува 22 милиони евра.
Вкупната вредност на договорите за купопродажба во периодот од октомври до декември достигнува 322,5милиони евра. Додека претходниот квартал, или во периодот од јули до септември вредноста на договорените купопродажби достигнала 237 милиони евра.
Вкупниот број на евидентирани закупи на недвижен имотво споменатиот период достигнала 2,621 договори за закуп, а нивната вредност 973 илјади евра. Во четвртиот квартал од 2024 година најмногу закупи се регистрирани во ноември, и тоа вкупно 988, додека во декември се регистрирани најмалку закупи, и тоа 808.
Најголем дел од објектите ставени под закуп се станови и тоа 1.121 чија вредност достигнува 272 илјади евра.
П.О.
Можеби ќе ве интересира
УШТЕ ЕДНО СПОЈУВАЊЕ НА БАНКИ ВО СРБИЈА - третото по ред преземање
ПОДОБАР МОНИТОРИНГ И ДЕТАЛНА АНАЛИЗА НА ЦЕНИТЕ НА ПОНУДИТЕ - утре стартува новата надградена верзија на Електронскиот систем за јавни набавки
АВСТРИЈА ГИ ЗГОЛЕМУВА ДЕТСКИОТ ДОДАТОК, СУБВЕНЦИИТЕ ЗА ГРЕЕЊЕ - еве какви промени најавуваат
КОГА НЕКОЈА БАНКА ЌЕ „ЗАЧКРИПИ“, ЌЕ ИМА ФОНД ЗА РЕШАВАЊЕ, А ЌЕ ГО ФИНАНСИРААТ САМИТЕ БАНКИ - надлежен орган ќе биде Народната банка, еве кога стартува новата регулатива
НАЈНОВО РАНГИРАЊЕ, КОЛКУ ТЕЖАТ ДОМАШНИТЕ БАНКИ - се „шушка“ за можни купопродажни зделки, кој е во игра?
ВО ОВОЈ РЕГИОН ЌЕ ВИ ПЛАТАТ САМО ДА СЕ ДОСЕЛИТЕ: Даваат пари и за реновирање на домот, може да добиете и до 100.000 евра
СО ШТО СЕ ЗАНИМАВА НАЈБОГАТИОТ ГЕРМАНЕЦ? Неговата компанија крие темно минато
СТОПАНСКА БАНКА СКОПЈЕ ПОДГОТВУВА НАСЛЕДНИК НА ИЗВРШНИОТ ДИРЕКТОР - Николетопулос останува сѐ додека новиот прв човек не ги добие сите потребни согласности
ЛУЃЕТО САКААТ ДА ШТЕДАТ ВО ДЕНАРИ, СУМАТА СЕ БЛИЖИ ДО ТРИ И ПОЛ МИЛИЈАРДИ ЕВРА - каде и како решивте да ги вложите вашите слободни пари
