Сашо Василевски ја стаписа поворката на „Македонија Блокира“

Добивај вести на Viber

Сашо Василевски, исклучениот пратеник на ВМРО-ДПМНЕ кој гласаше за отворање на уставните измени, ја пречека поворката на „Македонија Блокира“ пред неговиот дом во Охрид, но ја стаписа сос ставот дека земјата има само еден пат - да стане членка на НАТО и ЕУ што е можно побрзо.

Тој не го прими протестното писмо кои членовите на „Македонија Блокира“ и им кажа истото да го упатат на адреса на ВМРО-ДПМНЕ, бидејќи тој гласал без да му се врши никаков притисок.

-Македонија има единствен пат, да станеме членка на ЕУ и на НАТО асоцијацијата. Како пратеник ќе се борам да го јакнеме и стратешкото партнерство со САД, затоа што најкусиот пат до двете асоцијации е преку Вашингтон, им рече Василевски.

Тој додаде дека писмото е задоцнето, дека ВМРО-ДПМНЕ е изолирана дури и од сестринската Европска народна партија и дека лидерот Христијан Мицкоски не може да се крие зад 1,2 милиони, како што рече тој, „виртуелни“ негласачи на референдумот.

Од пред домот на Василевски, учесниците на протестниот марш за упатија и кон домот на пратеникот Љубен Арнаудов, а во средата беа примени во домот на Крсто Мукоски во Вевчани.

Овие тројца пратеници беа во куќен притвор по настаните на 26 април, но беа пуштени да се бранат од слобода и да обезбедат двотретинско мнозинство на 19 октомври.