СДСМ го нема, без него се може: Владата се задолжи кај Светска банка со 50 милиони долари!

Добивај вести на Viber

Владата се задолжи со 50 милиони долари ка Светска Банка. Собранието денеска го усвои законот за задолжување по Договорот за заем за Прв програмски заем за развојни политики за конкурентност, по скратена постапка. Првиот програмски заем за развојни политики за конкурентност од Меѓународната банка за обнова и развој - Светската банка ќе и биде доделен на Република Македонија во износ од 38.7 милиони ЕВРА (еквивалент на 50 милиони САД долари) и истиот се очекува да биде повлечен во една транша до крајот на 2012 годинаm стои во образложениетот на законот. Целта на овој заем, се наведува, е да се обезбедат средства  за буџетска поддршка. Клучните активности кои ќе се поддржат со овој заем се поделени во четири области и тоа: Развој на производство со висока додадена вредност; Олеснување на преструктуирањето на земјоделскиот сектор; Подобрување на ефикасноста на услугите на трговската логистика; Воспоставување флексибилност на пазарот на труд, развој на вештини и иновација. На 22-ри октомври 2012 година, во Канцеларијата на Светската Банка во Скопје беа одржани преговорите со претставници на банката, за склучување на Договор за заем за Првиот програмски заем за развојни политики за конкурентност по што  Бордот на извршни директори на Светската банка го одобри Првиот програмски заем за развојни политики за конкурентност. Законот за задолжување прво мина на Комисијата за финансирање и буџет, која во отсуство на претседателот Марјан Николов, ја водеше пратеничката на владејачката коалиција, Владанка Авировиќ. И овој закон е донесен без пратениците на СДСМ, кои веќе не учествуваат во работата на собранието, поради настаните кога беше донесен Буџетот, на кои им беше оневозможено да присуствуваат на седницата.