СДСМ: Хаос со распределбата на студентски ваучери за електронски уреди

Добивај вести на Viber

СДСМ денес излезе со реакција дека распределбата на студентските ваучери за електронски уреди се одвива хаотично.

„Се случи дебакл на една неспособна власт која не знае да организира ниту наједноставна мерка, ваучери за електонски уреди за студентите од првиот циклус на студии.

Прво им дадоа ваучери на младите студенти, па им ги поништија. Ги повикаа младите да аплицираат, им праќале потврди, дури им дозволиле и да подигнат уреди, за потоа да им стигне е мејл дека ваучерот не важи. Последните информации објавени во медиумите се дека постдипломци добиле ваучери, иако не им следуваат.

Прашање е дали се направени и намерни злоупотреби?

Срушени системи уште во првата минута, хаотично водена постапка, врати отворени па затворени, потврди испратени па поништени, добиени ваучери без исполнети критериуми, се ова со заеднички именител неспобна ДПМНЕ“; реагираат од опозициската партија.

Од таму додаваат дека власта создала ситуација во која за младите е непознато што ќе се случи со студентите кои веќе земале уред со одобрениот ваучер.

„Кој сега ќе преземе одговорност за овој хаос и оваа измама?

Никој не виде бенефит од оваа власт. Не може младите во Македонија да бидат „колатерална штета“ на неспособноста на ДПМНЕ. Младите заслужуваат држава која функционира, не држава која се распаѓа на една мерка со една интернет страница“, стои во соопштението на СДСМ.

Премиерот Христијан Мицкоски денес ја пофали мерката дека има исклучително добар одзив на повикот.

- Заклучно со вчера 27.000 студенти ги подигнаа ваучерите во вредност од 15.300 денари. Како ќе се искористат тоа оставаме на совеста на тие кои ги користат. Ние како Влада го ветивме овој проект и го испорачуваме, потенцираше премиерот Мицкоски.