Се испитува нов лек против коронавирусот - до јуни ќе бидат идентификувани петте најперспективни
Објавено во: Свет, Корона Вирус 10 Мај, 2021
Европската агенција за лекови (ЕМА) почна со континуирано испитување на еден лек против коронавирусот. Ако ЕМА го препорача овој лек на крајот од испитувањето, Комисијата ќе го одобри многу скоро.
Се работи за сотровимаб, моноклонско антитело развиено за третман на болеста КОВИД-19. Студијата ќе ја процени ефективноста на сотровимаб во спречување на хоспитализација и смрт, неговата безбедност и квалитет. Континуираното тестирање е побрзо од редовното, затоа што податоците се анализираат веднаш штом пристигнат.
Европската комисија во четвртокот ја претстави стратегијата за развој на лекови против КОВИД-19, што предвидува одобрување на три лекови до октомври годинава, со можност уште два да бидат одобрени до крајот на 2021 година.
Комисијата објави дека ќе создаде портфолио од 10 потенцијални лекови против вирусот и до јуни годинава ќе ги идентификува петте најперспективни.
foto freepik