СЕ НАДМИНАА САМИ СЕБЕ: Американците градат империја, мегапроект вреден 500 милијарди долари

Добивај вести на Viber

Тајванскиот Фокскон и јапонскиот СофтБанк објавија дека ќе започнат со производство на опрема за центри за податоци специјализирани за вештачка интелигенција. Производството ќе се одвива во поранешната фабрика за електрични возила Лордстаун Моторс во Охајо, а проектот е дел од иницијативата Старгејт, која има за цел да ја подобри инфраструктурата за вештачка интелигенција во Соединетите Американски Држави.

Претседателот на Фокскон, Јанг Лиу, изјави дека СофтБанк го купил местото во Лордстаун, додека Фокскон ќе продолжи да ја управува фабриката преку заедничко вложување. Порано овој месец, Фокскон објави продажба на фабриката и опремата за 375 милиони долари, без да го открие идентитетот на купувачот, објави Ројтерс.

За потсетување, Старгејт е заедничко вложување помеѓу OpenAI, SoftBank, Oracle и инвестициската компанија MGX. Беше објавено во јануари 2025 година под покровителство на американскиот претседател Доналд Трамп, а планираната инвестиција е 500 милијарди долари во текот на следните четири години.

Проектот вклучува изградба на десетина центри за податоци низ САД, со почетна локација во Абилин, Тексас, кои ќе имаат капацитет од 1,2 гигавати и ќе сместуваат два милиони процесори за вештачка интелигенција. Во втората фаза, OpenAI и Oracle планираат да го прошират капацитетот на 4,5 гигавати низ сите центри, со очекувано создавање на повеќе од 100.000 нови работни места.

Според Лиу, SoftBank и Foxconn работат на проектот повеќе од шест месеци.

- Разбираме дека клучните приоритети се енергијата, локацијата и временската рамка - проектот не може да се одложи. Со оглед на ова, веруваме дека Охајо е исклучително соодветна локација за производство, а SoftBank го дели тоа мислење - забележа тој, пишува Poslovni dnevnik.

Проектот Stargate се смета за стратешки важен за консолидирање на доминацијата на САД во глобалната трка за инфраструктура за вештачка интелигенција.