СЕ ОГЛАСИ МАКЕДОНСКАТА БЕРЗА ЗА ДОКУПЕНИОТ УДЕЛ ОД ЗАГРЕБСКАТА - ги почитувавме сите прописи за објавување промени во сопственичката структура

Добивај вести на Viber

Откако Фактор го објави текстот во кој информираме дека Загребската берза докупи удел во Македонската и дека сега е сопственик на 29,98 отсто од капиталот, а го поставивме прашањето зошто за тоа официјалнио не извести нашата берза, од Македонската берза денеска сакаат да дадат објаснување за тоа, а со цел, како што велат, точно и објективно информирање на јавноста. 

Практично, во своето објаснување до нашата редакција, од Берзата тврдат дека ги испочитувале сите правни прописи согласно важечката регулаива за објавување на промени во нејзината сопственичка структура.

Еве на што укажуваат од Македонската берза.

„Објавувањето во јавноста за промените во сопственичката структура на акционерските друштва е регулирано со правни прописи коишто се разликуваат во зависност од законската регулатива во секоја држава и во зависност од видот на акционерските друштва (котирани, некотирани, јавнопоседувани, отворени, затворени итн). 

Правните режими и обврски за објавување на промените во сопственичката структура на акционерските друштва се разликуваат од тоа дали станува збор за инвеститорите (купувачи или продавачи на акции) или издавачите ( друштвата кои ги издале акциите).

Во конкретниов случај којшто го обработувате во Вашиот текст, Македонска берза АД Скопје ги има испочитувано сите правни прописи согласно важечката регулатива за објавување на промени во нејзината сопственичка структура, како во јавноста, така и спрема надлежните регулаторни институции“, накгасуваат од Македонската берза.

Инаку, како што веќе објави Фактор, Загрепската берза (ЗСЕ) се стекна со дополнителен удел во Македонската берза (МСЕ), со што го зголеми сопственичкиот удел на 29,98 отсто.

Оваа информација на 18 вгуст била објавена на веб страната на Загребската берза.

Како што стои во официјлната објава на нивната веб страница, првиот удел Загрепската берза го купила на крајот на 2019 година.

„Тоа беше второ стекнување на удел во регионална берза од страна на Загрепската берза, откако ЗСЕ се здоби со 100 отсто сопственост на Љубљанската берза во 2015 година, преземајќи ја од Виенската берза“, се вели во соопштението од Загребската берза објавено на нивната веб страница.

Од Комисијата за хартии од вредност изјавија дека тие на седница одржана во јуни годинава дале согласност Загребската берза да го зголеми своето учество во Македонската берза, до сопственост од 30 отсто.

„Комисијата за хартии од вредност на Република Северна Македонија на 151-та седница со која претседаваше Претседателот на КХВ М-р Нора Алити донесе Решение со кое се дава согласност на Загребачка берза Д.Д Загреб да стекне квалификува­но учес­тво во Македонска берза АД Скопје, односно да се стекне со акции, чиј вкупен кумулативен износ не надминува 30 отсто од вкупно издадените акции со пра­во на глас од Македонска берза АД Скопје“, се вели во соопштението кое тогаш го издала Комисијата за хартии од вредност и го објавила на својата веб страница.

Н.Н.Ф.