СЕ ОГЛАСИ НЛБ ЗА КРЕВАЊЕТО НА ПОНУДАТА ЗА АКВИЗИЦИЈА НА АДИКО БАНКА - влезот на хрватскиот пазар би бил корисен за клиентите
Објавено во: Финансии 22 Јули, 2024 18:18
Нова Љубљанска банка (НЛБ), која на почетокот на јуни објави официјална понуда за преземање на Адико банка, пред околу една недела ја зголеми за дополнителни 10 отсто, т.е. од 20 до 22 евра по акција на Адико банка. Како што велат за „Блиц бизнис“, на овој начин сакаат да си ги зголемат шансите за успех со испраќање понуда која ќе биде привлечна за сите акционери.
- Решивме да дејствуваме сега, еден месец пред истекот на нашата понуда, имајќи ја предвид сезоната на годишни одмори. Сметаме дека ревидираната цена е убедлива за акционерите на Адико банка, а во исто време ја почитува стратешката и финансиската логика за НЛБ, велат од банката.
Како што напоменуваат од НЛБ, преземањето на Адико банка би им овозможило да ги остварат своите цели кои неодамна ги претставија во деловната стратегија до 2030 година - кредитирање на граѓаните и малите и средни претпријатија, развивање бизнис модел со фокус на дигиталното банкарство, и проширување на бизнисот на нов пазар.
- Во исто време, остануваме уверени во нашата способност органски да ја извршиме стратегијата во одредена временска рамка, но ќе ги оцениме и дополнителните можности за стекнување кои можат да ни помогнат да ја забрзаме испораката на нашиот план. Извршувањето на нашата стратегија не зависи од М&А. M&A само ни овозможува да го забрзаме постигнувањето на нашите цели додека создаваме вредност за нашите акционери. Сметаме дека влезот на НЛБ на хрватскиот пазар би бил корисен за хрватските клиенти активни во Словенија и обратно, со оглед на силните трговски врски меѓу двете земји, како и меѓу Хрватска и другите земји од Југоисточна Европа, каде што НЛБ е веќе присутна. Исто така, би можеле да обезбедиме поддршка на постоечките клиенти на НЛБ од целиот регион, кои се активни во Хрватска, објаснуваат оттаму.
Како што велат од НЛБ, иако постојат многу различни стратегии, преземањето е ефикасен и атрактивен начин за влез на хрватскиот пазар.
- Оваа аквизиција би ни овозможила пристап до значителен дел од пазарот на Југоисточна Европа, со голем потенцијал за раст. Очекуваме дека нашата регулаторна понуда ќе биде оценета во согласност со хрватското законодавство и регулативите на ЕУ и дека на крајот ќе биде успешна. Хрватска, како и Словенија, сега е дел од Единствениот надзорен механизам, каде системските банки се директно регулирани од Европската централна банка и соодветните локални регулатори. Имаме големо искуство во аквизиции, вклучително и неодамна одобреното преземање на лизинг компанија во Хрватска, што беше одобрено на крајот на јуни од ХАНФА - Хрватската агенција за супервизија на финансиски услуги. Секако дека целосно ќе соработуваме со хрватските регулатори, заклучуваат оттаму.
Блиц. бизнис* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
„КОЛКУ ПАПАЈА МОЖЕ ДА КУПИ ВЛАДАТА ОД НОВА ГОДИНА ДО БОЖИЌ КОРИСТЕЈЌИ ГИ САМО ТИЕ ПРИХОДИ?“ Анализа на потрошувачката на гориво по пробниот старт на „Сејф сити“
„ЧЕКАМ ОДЛУКА И МОЛАМ БОГА ДА ПОМИНАМ СО КАЗНА, ДА НЕ МЕ ВРАТАТ НАЗАД“: Балканец во Германија за 50 евра - косење трева на црно, бил пријавен од човекот каде што работел, сам го викнал па го пријавил!
ИМА ЛИ КАНДИДАТ КОЈ БИ ПРАВЕЛ ЕКОНОМСКИ ПРЕСМЕТКИ ЗА ФИСКАЛНИОТ СОВЕТ – платата е вртоглава, а работното време вообичаено
„Од почетокот на годинава наплативме приходи од 1,95 милијарди евра“: Николовски објави дека бележат раст во сите сектори
РОДИМЕ МАЈКО СО КСМЕТ И ВРАБОТИМЕ ВО АГЕНЦИЈА – „регулираат“ железнички сектор и имаат вртоглави плати
СТАН ВО НЕА ПОТИДЕЈА - ХАЛКИДИКИ ЗА 49 ИЛЈАДИ ЕВРА! Има поглед на море и големина од 60 метри квадратни
Експерт од Microsoft се сели во Apple – Ова е новиот раководител на вештачката интелигенција
Фриленсери, издавачи на станови преку платформи, добивка од криптовалути - секој прилив од странство мора да се пријави
АКО СИТЕ ДЕНЕС НАПРАВАТ ПРЕКРШОК ОД 45 ЕВРА, ЗА 65 ИЛЈАДИ ВОЗИЛА, МВР ЌЕ ИНКАСИРА БЛИЗУ 3 МИЛИОНИ ЕВРА: Еве што вели пресметката
