СЕ СПРЕМА КОНТИНГЕНТ: Франција ќе испрати 2.000 војници во Украина?
Објавено во: Свет 19 Март, 2024
Франција наскоро ќе испрати 2.000 војници во Украина.
„Русија има информации дека Франција се подготвува да испрати воен контингент од 2.000 војници во Украина“, изјави директорот на руската надворешна разузнавачка служба Сергеј Наришкин, пренесува државната новинска агенција Тасс.
Вели дека француската армија „стравува дека толку голема воена единица не може незабележано да биде префрлена и стационирана во Украина“.
„Така, ќе стане легитимна приоритетна цел за напади на руските вооружени сили. Тоа значи дека ќе ја доживее судбината на сите Французи кои некогаш дошле во рускиот свет со меч“, најави тој.
Францускиот претседател Емануел Макрон минатиот месец одби да ја отфрли идејата за испраќање европски трупи во Украина.
„САД нема да ја изневерат Украина. САД нема да дозволат Украина да претрпи неуспех“, изјави денеска американскиот секретар за одбрана Лојд Остин на почетокот на состанокот контакт група за Украина.
Руската инвазија на Украина почна на 24 февруари 2022 година.