Се загушивме во загаден воздух а политичарите уште бистрат политика

Добивај вести на Viber

Години наназад Скопје, Куманово, Тетово и други градови се гужат од загаден воздух во зимскиот период. Апелите на граѓанските здруженија да се реши проблемот кој ја стави Македонија на неславната листа 10 најзагадени земји поради скопскиот воздух не допреа ниту до претходната а ниту до актуелната владеачка гарнитура.

Мерките иако ветувани, малку се применувани и не покажаа барем засега никаков резултат.

И додека граѓаните се гушат во загадениот воздух власта и опозицијата се кошкаат. Наместо да бистрат политика функционерите да се фатат за работа...-гласи еден од коментарите на социјалните мрежи.

ВМРО ДПМНЕ вели денеска испрати нови обвинувањата на адреса на скопскиот градоначалник кој велат дека ветувал решавање на проблемот со загадениот воздух а досега не преземал ниту една мерка за да го подобри квалитетот.

Од СДСМ на секое обвинување од опонентот пак возвраќаат дека проблемот кој нивните претходници само го влошуваа, Владата го решава системски.

Најавија засилен инспекциски надзор и контрола, а ќе ја субвенционираат и набавката на еколошки автомобили.

Со опасно предупредување метеоролог при Управата за хидрометеоролошки работи Борис Секирарски вели дека сите кои дишеме загаден воздух, исто како да пушиме по седум цигари дневно.