„СЕГА Е ЈАСНО, ТРАМП ЌЕ БИДЕ РЕПУБЛИКАНСКИ КАНДИДАТ“, ПРИЗНА БАЈДЕН: Ники Хејли не се откажува од трката
Објавено во: Свет 24 Јануари, 2024
Американскиот
претседател Џо Бајден, коментирајќи ги резултатите од републиканските
прелиминарни избори во Њу Хемпшир, изрази уверување дека Доналд Трамп ќе биде
кандидат на оваа партија, пишува Politico.
– Сега е јасно дека Доналд Трамп ќе биде републиканскиот кандидат – изјави актуелниот шеф на државата.
Прелиминарните избори во Њу Хемпшир се одржаа на 23 јануари. Гласањето се одвиваше во атмосфера на интензивна борба меѓу главните републикански ривали - Трамп и поранешната амбасадорка на САД во ОН, Ники Хејли.
Сеуште во фазата на пребројување, Хејли го призна поразот и му ја честиташе победата, , но ја објави и дека има цврста намера да продолжи да учествува во изборната трка.
Трамп претходно двапати победи на прелиминарните избори во оваа држава - во 2016 и 2020 година.
Трамп оствари двоцифрена предност и клучна победа во Њу Хемпшир, со што поранешниот претседател на САД е на чекор до републиканската номинација за новата трка за шеф на државата.
ФОТО: EPA-EFE/MICHAEL REYNOLDS