Села ги информирал во германската амбасада дека платформата е важна за интеграција
Објавено во: Македонија 09 Март, 2017
Лидерот на Движењето за реформи – ДПА, Зијадин Села и генералниот секретар на партијата, Арбен Таравари денеска беа поканети на работна средба во германската амбасада во Скопје.
Села ги информирал високите претставници на германската амбасада за политичката ситуација во Македонија и за можноста за надминување на овој политички момент и побрзо креирање на реформска влада.
„Тема на дискусија беше и платформата на албанските политички партии, како важен елемент за европската перспектива на интеграцијата на Македонија, која се очекува да биде дел од програмата на идната влада, и која реално ги одразува реалните барањата на албанските гласачи кои гласале за нивните политички субјекти“, соопшти Движењето за реформи ДПА.
Села деновиве имаше интензивни средби речиси со сите амбасадори на ЕУ и САД, кои се информирани за понатамошните чекори на политичкото делување на Алијансата за Албанците, додаваат од партијата.