Селектирани 10 кандидати меѓу кои ќе се избира новиот прв антикорупционер

Добивај вести на Viber

Одобрени се десет кандидатури кои ги исполнуваат условите за претседател на Државната комисија за спречување на корупцијата,а наскоро ќе започне и интервјуирањето.

Меѓу нив е  Весна Доревска од Скопје, дипломиран правник, која беше помошник министер за правни работи во МВР и сведок во постапката за случајот „Таргет-тврдина„ за уништување на опремата за прислушкување на УБК.

Втор на листата е Владимир Наумоски од Скопје, дипломиран правник со положен правосуден испит и магистер по деловно право, кој е и член на комисијата за заштита од конкуренција.

Следат  Бранко Смилевски од Скопје, дипломиран економист, магистер на науки за антикорупција, кој е актуелен помошник на Главниот ревизор, адвокатите Валентина Тодоровска од Скопје, дипломиран правник со положен правосуден испит и Ненад Трифуновски од Тетово, дипломиран правник со положен правосуден испит.

Меѓу кандидатите е и Благица Трошанска од Скопје,раководителка на сектор во Министерството за одбрана,  дипломиран правник и магистер на политички науки, проф. д-р Кимо Чавдар од Скопје, дипломиран правник со положен правосуден испит и доктор на политички науки, Адем Чучуљ од Скопје, дипломиран правник, кој е и актуелен генерален секретар на ДКСК, како и Феузи Џафери од село Чајле-Гостивар, дипломиран правник со положен правосуден испит и магистер по дипломатија, кој се кандидираше и за Народен правобранител, но не беше избран.