СЕНЗАЦИОНАЛНО ОТКРИТИЕ: Постои земја слична како Земјата!
Објавено во: Економија 23 Јули, 2015
Научнот тим на мисијата Кеплер на Американската вселенска агенција најави дека денес ќе обелодени „значајно откритие“ - научниците и љубителите на астрономијата веруваат дека се работи за откритие на планета која досега е најслична на Земјата.
Вселенскиот телескоп Кеплер е лансиран во 2009 година со задача да го истражи Млечниот пат во потрага за планетата на која животот би бил можен.
Тој „ловец на планети“ досега пронашол повеќе од 1000 нови светови.
Уредникот на TechCrunch Мајк Бачер порачал по пат на Твитер дека „друга Земја“ е веќе пронајдена: се работи за планетата Кеплер 452 Б оддалечена од нас 1400 светлосни години.
Според пишувањето на Хафингтон пост, на најавената конференција ќе говори Џон Грансфелд, помошник администратор во НАСА научен директорат во Вашингтон, Џон Џенкнс, главен човек за анализа на податоци во НАСА Истражувачкиот центар „Ејмс“ во Калифорнија, Џеф Кафлин, експерт за телескоп при институтот СЕТИ и Дидие Келоз, професор на астрофизика на Кембриџ Универзитетот.