Шилегов: Нема да даваме наши пари за Дино Мерлин

Добивај вести на Viber

Скопскиот градоначалник Петре Шилегов синоќа реагираше на информацијата дека Дино Мерлин ќе биде платен 100.000 евра за новогодишниот настап на скопскиот плоштад со потсетувањe до јавноста дека за сараевскиот изведувач нема да се дадат буџтски пари.

Според „курир.рс“, Мерлин за 100.000 евра ќе ги забавува скопјани и тој ќе го добие најскапоплатениот хонорар за новогодишната ноќ од сите бакански ѕвезди заедно со Здравко Чолиќ.

Кога беше официјално најавено кој ќе ги забавува скопјани за новогодишната ноќ, од градот потенцираа дека целата сума за хонорарот на Мерлин, ќе биде платена од спонзори.

„Почитувани непочитувачи, гледам дека сте се распишувале за Дино, Винтерленд, колку, што, како ... (при тоа ретко кажувате дека тоа не се наши, буџетски пари, туку спонзорски)“, реагираше Шилегов меѓудругото на својот профил на Фејсбук.

Од опозициската ВМРО-ДПМНЕ сепак бараат од Шилегов да каже кои се тие спонзори и интереси кои ќе го исплатат настапот на Мерлин.

„Градоначалникот на Скопје треба да одговори под кои околности е даден тендерот за прескапото китење на градот, и кој се фамозните спонзори од 100 илјади евра за прославата за Нова година на Градскиот плоштад? Дали тоа што не ги соопштува значи дека се финансира прославата со црни пари?“, гласеше дел од реакцијата на најголемата опозициска партија.