Шпаркасе ќе им плати на акционерите во Охридска банка по 5.577 денари за акција: НО ја одобри спогодбата
Објавено во: Финансии 18 Јануари, 2021
Надзорниот одбор на Охридска банка го одобри склучувањето на Спогодбата за присоединување на Охридска Банка АД Скопје кон Шпаркасе Банка Македонија АД Скопје, соопшти банката. По одобрувањето спогодбата била и потпишана.
„Согласно склучената спогодба, за акционерите на банката што се присоединува кои ќе се изјаснат дека не сакаат да примат акции во банката што презема во замена за нивните акции, банката што презема ќе изврши откуп на акциите на акционерите од банката што се присоединува по откупна цена од 5.577 денари за една акција, стои во соопштението.
Спогодбата ќе стане полноважна по одобрувањето од Собранието на акционери
на двете банки, а по добиена претходна дозвола за статусна промена од страна
на Гувернерот на Народната Банка.