Добивај вести на Viber
За една година, односно од јануари 2014та до јануари 2015та година депозитната база во змејава се зголеми за скоро половина милијарда евра. Новите податоци на Народната Банка покажуваат дека во првиот месец од годинава вкупното штедење достигна рекорно ниво од 4,6 милијарди евра, со што и натаму продолжува трендот на надминување на депозитината база во однос на кредитниот пласман.
Депозити:
Јануари 2015 4 670 048 780
Јануари 2014 4 221 365 853
Податоците покажуваат дека во првиот месец од годинава е регистриран тренд на намалување на штедењето во денари. Имено, во споредба со декември депозитната база во денари е намалена за 25 милиони евра. Од друга страна податоците покажуваат пораст кај депозитите во девизи кои за еден месец се зголемиле за 44,5 милиони евра и во јануари тие достигнаа ниво од 1 милијарда и 922 милиони евра.
“Растот на вкупните депозити во јануари се должеше на зголеменото штедење на домаќинствата и на останатите финансиски институции, додека депозитите на претпријатијата умерено се намалија на месечна основа. На годишна основа, вкупните депозити во јануарисе повисоки за 10,7%“, пишува во новиот извештај на НБРМ.
Заклучно со јануари, депозитите на фирмите изнесувале 1 милијарда и 105 милиони евра додека депозитите на населението 3 милијарди и 323 милиони евра. Кај неселението, според објавените податоци, се забележува намалување на садото на депозити во денари, додека има пораст на штедењето во девизи.