20 Април, 2024
0.0290

Што можат да купат граѓаните со 2.000 денари повисок минималец?

Објавено во: Економија 18 Март, 2023

Добивај вести на Viber

За нешто повеќе од 2.000 денари се зголемува минималната плата од март. Таа ќе изнесува 20.175 денари. Граѓаните велат дека е добро што платите ќе се зголемат, но ова покачување нема да промени многу во нивното секојдневие.  Сметаат дека за достоинствен живот платите и натаму треба да растат. Со 2.000 денари плус помладите велат дека би си купиле некое парче гардероба, а оние кои имаат деца за издржување, приоритет им се сметките и храната.

„И за 4.000 денари да се зголемат платите, пак е малку. Со 2.000 денари, самец ќе може да живее 4 дена, но не може повеќе“, вели Златка Георгиевска, граѓанка.

Друга жена вели дека со покачувањето од 2.000 денари, граѓаните можат да набават повеќе намирници од претходно, но семејниот буџет повторно ќе биде тенок.

„Живеам сама, сметката за струја ми е 1.800 денари, така што со тие пари можам да си платам една сметка. Треба уште да се покачуваат платите“, додава Вера Петрушевска, граѓанка.

Рубинчо Аризанкоски, Програмски координатор и администратор во Здружение Достоинствен Работник Прилеп вели дека граѓаните нема да почувствуваат некоја голема разлика, затоа што имаме големо покачување на цените на производите и услугите.

Зголемувањето на минималецот од 2.000 денари нема да промени многу, затоа што неоправданото зголемување на цените плус повеќе ги осиромашува граѓаните и работниците. Профитите на алчните газди во целост ја подгреваат инфлацијата, а не пак да им ги зголемат платите на работниците со кои едвај го преживуваат тековниот месец. Почитувањето на законската обврска и регулатива од страна на работодавачите мора да биде во целост, а не делумно. Според статистиката вредноста на минималната кошница за месец февруари изнесува 51.000 денари за четиричлено семејство, а од друга страна зголемуваме минималец за 2.000 денари кој не допира до вредноста на цените од секојдневниот живот на граѓаните. Се бориме за да преживееме“, вели Аризанкоски.

Oд Министерството за труд и социјална политика информираа дека зголемувањето на минималната плата ќе биде за 12,55 отсто, односно истата од месец март ќе изнесува 20.175 денари. Додаваат дека со измените на законот за минимална плата, донесени во март 2022 година, се воспостави нова методологија, која е системско решение и кое значи постојан раст на минималната плата. Секоја година во месец март минималната плата се усогласува согласно податоците од Државниот завод за статистика, и тоа 50 отсто од порастот на  трошоците за живот и 50 отсто од порастот на просечната плата од измината година.

Сања Атанасовска

Можеби ќе ве интересира

Николоски за ВоА: Во изминатите 4 години менаџиравме криза и го штитевме стандардот, економијата доаѓа во фокусот

Николоски за ВоА: Во изминатите 4 години менаџиравме криза и го штитевме стандардот, економијата доаѓа во фокусот

ЛУКАРЕВСКА: Во наредниот мандат домашните компании ќе ги поддржиме со 180 милиони евра

ЛУКАРЕВСКА: Во наредниот мандат домашните компании ќе ги поддржиме со 180 милиони евра

НИКОЛОСКИ НА СРЕДБИ ВО ММФ: Здравите економски политики поттикнуваат забрзување на економскиот раст

НИКОЛОСКИ НА СРЕДБИ ВО ММФ: Здравите економски политики поттикнуваат забрзување на економскиот раст

ГРАЃАНИТЕ СЕПАК ШТЕДАТ: Koлку се зголемени вкупните депозити на домаќинствата?

ГРАЃАНИТЕ СЕПАК ШТЕДАТ: Koлку се зголемени вкупните депозити на домаќинствата?

ММФ: Kaкви се оценките за руската економија?

ММФ: Kaкви се оценките за руската економија?

СТРИМИНГ ГИГАНТОТ ГИ ИЗНЕНАДИ АНАЛИТИЧАРИТЕ: наспроти забраната за делење лозинка - голем раст на профитот и претплатниците

СТРИМИНГ ГИГАНТОТ ГИ ИЗНЕНАДИ АНАЛИТИЧАРИТЕ: наспроти забраната за делење лозинка - голем раст на профитот и претплатниците

Марко Бислимовски останува вонреден претседавач на Бордот на регулатори на Енергетската Заедница

Марко Бислимовски останува вонреден претседавач на Бордот на регулатори на Енергетската Заедница

ЕСКАЛАЦИЈАТА И ТЕНЗИИТЕ НА БЛИСКИОТ ИСТОК ЈА КАЧИЈА ЦЕНАТА НА НАФТАТА: Еве како да тргувате со црно злато

ЕСКАЛАЦИЈАТА И ТЕНЗИИТЕ НА БЛИСКИОТ ИСТОК ЈА КАЧИЈА ЦЕНАТА НА НАФТАТА: Еве како да тргувате со црно злато

„АЛКАЛОИД“ СЀ ПОБЛИСКУ ДО ЕВРОПА: Компанијата регистрираше ново друштво во Хрватска, осми по ред правен субјект основан во земја членка на ЕУ

„АЛКАЛОИД“ СЀ ПОБЛИСКУ ДО ЕВРОПА: Компанијата регистрираше ново друштво во Хрватска, осми по ред правен субјект основан во земја членка на ЕУ