ШТО ПОСЛЕ ИЗБОРИТЕ: Може ли Македонија да добие Парламент и Влада до 31 јануари?

Добивај вести на Viber

Mакедонија после изборите, до 31 јануари би можела да добие парламент и влада, со тоа што Уставот не ја дефинира состојбата во случај две партии да освојат подеднаков број пратенички мандати.

Според Уставот, најдоцна 20 дена од изборите се конституира Собранието на седница која ја свикува актуелниот пртседавачки парламент.

Доколку конституитивната седница не биде одржана 21 дена од изборите пратениците сами ќе се соберат и конституираат Собрание.

ФИФТИ-ФИФТИ ИЛИ НЕ: Се чекаат мандатите, водат ли изборите кон нови избори

Исто така, според Уставот, претседателот е должен во рок од 10 дена од конституирањето на Собранието да им даде мандат за состав на нова влада на партијата или на партиите кои ќе имаат мнозинство во парламентот. Дваесет дена од давањето на мандатот, мандаторот пред пратениците поднесува програма и предлог на кабинет на идната влада, кој го верификува парламентарното мнозинство.

Со Уставот, меѓутоа, не е предвидено што се случува кога две партии освојат идетичен број на мандати. Во тој случај, како што пренесеа поголем дел од медиумите, најверојатно претседателот на државата ќе бара некави гаранции од партиите да можат да формираат парламентарно мнозинство и врз основа на тоа , на таа партија, односно коалиција и доверува мандат.

НЕВАЖЕЧКИ: Близу 40 илјади гласачки ливчиња завршија во ѓубре

Ако се оди како што треба Македонија до 31 јануари би можела да добие нов парламент и нова влада.