ШТО ТОЧНО СЕ СЛУЧИЛО СО УЧЕНИКОТ ОД КОРЧАГИН - фејсбук врие, официјални информации нема - настанот е премногу силен за да се премолчува

Добивај вести на Viber

Во јавноста и пред се на социјалната мрежа Фејсбук се разви широка дебата за самоубиството на ученикот од Корчагин, наводно откко ги зел оценките за завшената мината школска година. 

Таа информација ја објавија повеќе медиуми во земјава.

Ова следуваше откако веста ја објави професорката од Институтот за физика Мимоза Ристова на социјалните мрежи. Според професорката, ученикот ги земал оценките и си пресудил.

-Да се организира обука за професорите за да се научат како да се однесуваат со адолесцентите кај кои депресиите се покачени за огромен процент поради Ковид-пандемијата, се вели меѓу другото во објавата на Ристова.

Професорката во коментари под нејзината објава додава дека погребот се одржал денес и дека „точно кажал зошто се самоубил со времето на самубиството, непосредно по земање на свидителството“.

Но, на оваа информација најостро реагираше Советот за етика во медиумите на Македонија, за, како што велат, невнимателното и неетичко известување на медиумите околу самоубиство на ученик во скопската гимназија Корчагин.

СЕММ ги потсети своите членки и сите медиуми на професионалните препораки кои строго дефинираат кога и како смее да се известува за вакви трагедии.

Објавата од СЕММ е единствената официјална реакција засега за овој настан. 

Од МВР засега нема потврда или демант на оваа информација, но и официјално правило на Полицијата е да не известува за самоубиства.

Нема објава ниту од училиштето, а ништо на таа тема не може да се најде ниту на нивната веб страница.

Во меѓувреме, во јавноста на големо се дебатира на други слични случаи низ училиштта, но и за тоа дека не треба да се потценува состојбата на депресија кај децата.