Што велат социјалните мрежи: Во францускиот нон-пејпер пишувало - пуштете ја Катица во куќен притвор

Добивај вести на Viber

Додека експертската јавност наголемо дебатира дали и кога треба да се спроведе ветинг врз судиите, социјалните мрежи вријат од шеги и реакции за пуштањето во куќен притвор на поранешната специјална обвинителка Катица Јанева.

„Ајдеее - во Францускиот нон-пејпер пишувало - пуштете ја Катица во куќен притвор и после замижете кога ќе ви бега и сите прогласете се за ненадлежни за бегството“, напишал еден од твитерџиите.

Друг, пак, пишува „Еј ај бе сеа, само да се мрчело, не им побегна Катица, само во домашен притвор оди“,

Има и други реакции „Без гаранција? Дома? Во Гевглеија? Најблизу до граничниот премин Богородица?“, се вдли во еден од твитовите.

„Катица Јанева оди во куќен притвор.Сега бар раат ќе дава наредби од дома, а и ќе си користи од буџетот наменет за СЈО наредната година. Нема више ништо од државава, ја да ви кажам“, напишал еден од твитерџиите.

И има уште еден интересен твит „Аирлија нов бегалец“, вели еден од припадниците на твитер заедницата. 

А новата адреса на Јанева всушност е зграда на улицата Миторполит Теодосиј Гологанов во центарот на Скопје спроти студентскиот дом Кузман Јосифовски - Питу.

Домашниот притвор кој и беше одреден на поранешната прва дама на СЈО, таа го издржува во станот на својот син и од тука ќе го чека почетокот на судското рочиште за случајот „Рекет“ на 3 декември.

Јанева, заедно со Бојан Јовановски и Зоран Милевски, се обвинети по завршувањето на првиот дел од истрагата.

Јанева претходно три месеци се наоѓаше во истражниот затвор во Шуто Оризари, а пред да биде приведена престојуваше во скопската населба Козле.