„Присутни се одредени стравувања дека Ципрас ќе тргне по свој пат, но и самиот призна денеска дека тоа нема да се случи“, рекол Шулц на заедничката конференција за медиумите со Ципрас во Атина.
Ова е прва посета на некој претставник од Европската унија од кога Грција во вторникот ја доби новата влада.
Со Шулц кој бил и првиот претставник од Брисел кој на Ципрас му ја честитал победата, во Атина дошол и претседателот на групата министри за финансии во еврозоната Јерун Дејслблум.
Левичарската влада на Ципрас го започна својот мандат со тоа што ја запрела приватизацијата на најголемото грчко пристаниште Пиреј и најавила укинување на одредени мерки за штедење, на кои е обврзана во согласност со договорот за добивање на 240 милијарди евра странска помош, што наишло на критики од Германија и Кина.
Во очи на посетата на Шулц на Атина, денеска се огласи и претседателот на Европската комисија Жал Клод Јункер кој за францускиот „Фигаро“ рекол дека нема зборови за опростување на грчкиот долг.
Тој порачал дека договорите се можни, но дека суштински промени нема да има.
„Го почитуваме гласот на народот во Грција, но Грција исто така мора да ги почитува другите, јавното мислење и парламентарците од Европа“, наведува Јункер.