ШВАЈЦАРСКИOT ЕПИДЕМИОЛОГ ЕГЕР ПОРАЧУВА: Рестриктивните мерки уште две или повеќе години

Добивај вести на Viber

За да се задржи ширењето на корона вирусот под контрола, луѓето ќе мора да живеат со рестриктивните мерки уште две или повеќе години, смета швајцарскиот епидемиолог, Матијас Егер.

Шефот на швајцарскиот кризен штаб за борба против корона вирусот за Neue züricher Zeitung am Sonntag изјави дека се надева дека вакцинацијата ќе почне за една година од сега, но предупреди дека има уште многу препреки.

-За сега малку го познаваме вирусот. Можно е да откриеме нешто што може да го закомплицира и успори развојот на делотворните и безбедните вакцини, вели Егер.

Тој предупреди дека луѓето и понатаму ќе мора да носат маски и да ги почитуваат мерките за хигиена, како и меѓусебната дистанца за да се контролира ширењето на вирусот.

На само една недела пред отворањето на основните училишта во Швајцарија, кое е предвидено за 11. мај, епидемиологот и професор Егер, им порача на родителите да не се грижат бидејќи не постојат прецизно документирани случаи во кои децата ги заразиле возрасните, а нема ниту еден случај на зараза меѓу самите деца.

-Во светот има повеќе од три милиони случаи на Ковид-19. Податоците укажуваат дека децата не играат голема улога во ширењето на вирусот, вели Егер, но тој сепак не ја отфрли можноста за зараза на децата, повикувајќи ги родителите сепак да бидат внимателни.