Симоне Филипини: Обвинетите да се соочат со одговорноста

Добивај вести на Viber

Раководството на претходната власт да се соочи со обвиненијата и да не претставуваат како да не се виновни, порача поранешната харизматична холандска амабасадорка во Македонија, Симоне Филипини, посочувајќи ги со прст пред се екс-премиерот Никола Груевски, кој сега е азилант во Унгарија, и Гордана Јанкулоска, поранешната министерка за внатрешни работи.

„Луѓето што се одговорни за високото ниво на корупција, за поткопувањето на владеењето на правото во Македонија, за поткопувањето на независноста на медиумите, за корумпирањето на судиите, и да бидам искрена, некои луѓе од претходната влада, а ние добро знаеме кои се тие, поранешниот премиер, поранешната министерка Гордана Јанкулоска и некои други што со право се обвинети сега во судски случаи, мислам дека крајно време е да замолчат и да размислат за она што ѝ го направиле на земјата, против земјата и против нејзините граѓани“, изјави Филипини за МКД.

Таа додаде дека бегството на Груевски во Унгарија е класична измама на македонскиот народ и дека државните структури мора да гледаат напред во развојот на институциите на правдата.