„Симпо“ ја тресе Србија, премиерот Дачиќ обвинува за политичка пресметка

Добивај вести на Viber

Српскиот премиер Ивица Дачиќ смета дека зад блокираната сметка на Симпо стои политичка пресметка со министерот за финансии кој е во заминување, Млаѓан Динкиќ, со него лично. „Мислам дека овде станува збор за политичка пресметка со мене и затоа не мислам дека одлуката е различна од целата политика што се водеше последните десет години", изјави Дачиќ за РТС, коментирајќи ја блокадата на сметките на компанијата поради неподмирен долг за даноци. Премиерот изјави дека не е спорно тоа што сите мора да плаќаат даноци, но прашува како сега ќе се плати данок ако фабриката оди во стечај. „Државата треба да ги сочува постојните работни места и да отвори нови", рече Дачиќ, додавајќи дека не можеме да очекуваме странците да ни креираат нови работни места, а домашните фабрики и бизниси да бидат во неповолна ситуација. Сите инвеститори доаѓаат, добиваат 5.000 до 10.000 евра за работното место, инфраструктурана помош, а понекогаш и бесплатно земјиште,  ослободени се од некои даноци во догледно време, потсети премиерот кој рече дека во последните 10- 12 години, загубени се стотици илјади работни места. Раководството на Симпо беше изненадено од одлуката на државата за им се блокира сметката поради неподмирување на данокот,  изјави за Танјуг претседателот на Надзорниот одбор во Симпо, Борислав Mилачиќ, истакнувајќи дека целта на Министерството за финансии и економија е да се уништи Симпо. Тој со истакнал дека компанијата Симпо со години не плаќала данок на државата, дека била упатена молба тој долг да се претвори во сопственост на државата, но од тоа не се случило ништо, туку очекуваат заштита од премиерот. Како што беше најавено пред неколку дена, Владата на Србија долгот на Симпо од околу шест милијарди динари за даноци и придонеси го претвора во државна сопственост. Државата и досега беше најголем поединец-сопственик на оваа фирма со околу 29 проценти, но останатите акции беа во сопственост на мали акциоери и приватни ивеститори. Вредноста на акциите на берза на “Симпо“ не поминуваат над 11 милиони динари. Владата одлучила да и овозможи на команијата да продолжи да работи, односно со 4.500 вработени и понатаму да остане еден од најголемите работодавци на југот на Србија.