Сите спремни! Ќе се дели најголемата македонска дивиденда вредна 36 милиони евра, кои се среќните добитници?
![](/media/main/2023/08/20230831155327.jpg)
Објавено во: Економија 03 Септември, 2024
Секој акционер во Македонски телеком, со исклучок на тие од сопствен откуп, за секоја негова акција ќе наплати 23 денари дивиденда. По доминантниот акционер, најдобитна е државата која од дивиденда и од данок на поделенета дивиденда ќе си наплати 16 милиони евра само од Македонски телеком
Македонски телеком, најголемата македонска телекомуникациска компанија, објави дека ќе ја подели најголемата дивиденда во конкуренција на сите компании чии акции се тргуваат на Македонската берза за хартии од вредност.
Станува збор на бруто износ на дивиденда во вредност од 35,97 милиони евра.
Тоа значи дека државата од Телеком ќе се офајди по две основи. Првата е од директен прилив на дивиденда затоа што Владата е сопственик на 35, отсто од сите акции со право на глас во Македонски телеком. Тоа се во нето износ 12,5 милиони евра. Вториот основ по кој државата ќе прибере 3,6 милиони евра е даночната основа (задршка за компаниите и персоналецот за физичките лица).
Вкупно, сума сумарум македонската држава ќе прибере од Телеком над 16 милиони евра.
Најголемиот акционер „Камени мост комуникации“ фирма која е соственост на најголемиот акционер „Дојче Телеком“ ќе добие 55% од сите пари предвидени за дивиденда односно тоа ќе биде 19,87 милиони евра во бруто износ. Нето износот по одбиток на данокот е околу 18 милиони евра.
Повеќе од 3.300 домашни физички лица – акционери во Телеком ќе поделат меѓу себе бруто износ од 720.000 евра.
Единствен акционер што нема да добие пари е токму Македонски телеком. Поседува 10% од акциите во сопствен откуп. Но, согласно со нашето законодавство сопствениот откуп не дава право на дивиденда.
Како што веќе пишувавме Македонскио телеком годинава е компанија што ќе подели најголема дивиденда во конкуренција на сите други компании кои делат дивиденда од нивните добивки остварени во 2023 година. Повеќе детали на овој линк https://faktor.mk/da-da-ova-e-vo-makedonija-koj-isplati-a-koj-naplati-179-milioni-evra-dividenda
Како што објави најголемата македонска телекомуникациска компанија дивидендата ќе се дели од 26 септември. Бруто износот на дивиденда по акција е 25,65 денари односно во нето износ по платен данок секој акционер ќе добие 23 денари за секоја акција со право на глас која не е во сопствен откуп.
Во интегрална форма соопштението може да се прочита на следниот линк https://www.seinet.com.mk/Default.aspx?lang=MK&docID=69788 на веб страната на Македонската берза за хартии од вредност.
Р.Ф.Можеби ќе ве интересира
Инвестицијата која не ја открива Мицкоски, „Фактор“ ја најави уште пред повеќе од една година
![](/media/main/250x170/2024/09/20240903145134.jpeg)
НОВА ТРГОВСКА АРТЕРИЈА: Мега-инвестицијата, Истанбулскиот канал го претвора градот во центар на светската трговија
Мицкоски: Прво ќе има тендер за трет мобилен оператор
![](/media/main/250x170/2024/08/20240826175435.png)
84.000 НОВИ КРИПТО МИЛИОНЕРИ: Дали ова е моментот за инвестирање?
![](/media/main/250x170/2024/09/20240903122957.jpg)
ЕСМ Продажба по само еден месец стави нов директор
![](/media/main/250x170/2024/09/20240903112715.jpg)
СОПСТВЕНИКОТ НА ЛУЈ ВИТОН СЕ ПОДНОВИ: Арно купи пет фирми за вештачка интелигенција за 300 милиони долари
![](/media/main/250x170/2024/09/20240903094700.jpg)
Зошто „Гранит“ купи фирма што постои само пет месеци?
![](/media/main/250x170/2024/09/20240902230357.jpeg)
ИМА ЛИ ПЛАФОН ЗА ЦЕНИТЕ НА СТАНОВИТЕ?! Наспроти очекувањата недвижностите пак поскапуваат
![](/media/main/250x170/2024/09/20240903065144.jpg)