Сител најгледана Телевизија, 24 Вести со најголем раст на гледаноста!

Добивај вести на Viber

Агенцијата за аудио визуелни и медиумски услуги го стокми годишниот извештај од 2016 година за досегот на радиостаниците и за уделот во вкупната гледаност на телевизиските станици што емитуваат програма на државно ниво преку сателит или преку јавна електронска комуникациска мрежа и на телевизиските станици кои емитуваат програма на  регионално ниво.

Според извештајот можеме да забележиме дека најгледани ТВ канали на територијата на Македонија во првиот квартал се националните ТВ канали Сител со просечен дневен досег од 37,29% и Канал 5 со просечен дневен досег од 31,54%. На трето место во првиот квартал е ТВ Телма со 18,71% просечен дневен досег. ТВ 24Вести во овој период има просечен дневен досег од 8,75%.

Во вториот квартал ТВ Сител, ТВ Канал 5 и Телма бележат пад на дневниот просечен досег кој изнесувал 36,38% , односно 29,54% и 15,67% наспроти растот на ТВ 24 Вести кој изнесува 9,96%.

Третиот квартал продолжува со пад на дневниот просечен досег на 36,42% на ТВ Сител. Канал 5 во овој квартал бележи раст кој достигнува 32,21% а досегот на Телма расте за 17,38%. Просечниот дневен досег на ТВ 24 Вести ја продолжува серијата на раст и во третиот квартал изнесува 12,42%.

Четвртиот квартал од 2016 год. бележи раст на сите погоре анализирани телевизии. Досегот на ТВ Сител изнесува 40,83%, на Канал 5 36,67% а  на Телма 23,21%. Просечниот дневен досег на ТВ 24 Вести запиша квартален раст на 15,42% во последниот четврт квартал.

Што се однесува до регионалните ТВ канали, најголем неделен досег во својот радиодифузен регион во првиот квартал од 2016 година остварува КТВ (17,6% од популацијата во регионот Д1 Велес), К Три (15,3% од популацијата во регионот Д2 Страцин), Стар ТВ (15,9% од популацијата во регион Д3 Туртел), ТВ Вис (19,5% од популацијата во регион Д4 Боскија), ТВ Тера (16,1% од популацијата во регион Д5 Пелистер), ТВ О2 (17,4% од популацијата во регионот Д6 Мали Влај), ТВ Канал Три (27,5% од популацијата во регион Д7 Стогово), ТВ Коха (32,2% од популацијата во регион Д8 Попова Шапка), и ТВ Едо (9,8% од популацијата во регион Д1 Скопје).

Анкетата била спроведена од страна на „М-визион.