СКАНДАЛ: Дали 190 вработени во агенцијата на ОН за палестинските бегалци се терористи?
Објавено во: Свет 29 Јануари, 2024
Израел обвинува дека 190 вработени во агенцијата на ОН за палестинските бегалци се милитанти.
Во досието во кое Ројтерс имал увид, се наведува дека околу 190 вработени во УНРВА, вклучително и наставници во училиштата што ги води агенцијата во Појасот Газа, се милитанти на Хамас или Исламски џихад. Ги има имињата и фотографиите на 11 од нив.
Досието вели дека еден од 11-те лица е училишен советник кој му помогнал на својот син да ја киднапира неговата сопруга за време на упадот на Хамас во кој Израел вели дека 1.200 луѓе се убиени, а 253 киднапирани.
Третиот Палестинец во досието е обвинет за учество во нападот во израелското погранично село Бири, каде што беа убиени десетина жители. Четвртиот е обвинет за учество во нападот на Рајмс, местото на воена база и забава за млади, каде што беа убиени над 360 гости.
Израелскиот министер за надворешни работи Израел Кац изјави дека шефот на УНРВА, Филип Лазарини треба да поднесе оставка.
Досието на израелското разузнавање кое доведе до тоа голем број држави да го замрзнат финансирањето на агенцијата на Обединетите нации за Палестинците (УНРВА) вклучува наводи дека дел од персоналот на агенцијата учествувал во киднапирања и убиства за време на нападот на Хамас на 7 октомври врз јужен Израел, што пак ја предизвика војната во појасот Газа.
Екстремно десничарскиот министер за безбедност на Израел, Итамар Бен Гвир, синоќа на преполн митинг ги повика еврејските доселеници да се вратат во Газа, што беше осудено од Палестинците кои веруваат дека тој повикува на нивна присилна депортација.