29 Март, 2024
0.0261

СКАНДАЛОЗНИ НАОДИ НА РЕВИЗОРИТЕ: Се губи крв од крводарителски акции поради лоши ќеси и поминат рок

Објавено во: Македонија 09 Јануари, 2019

Добивај вести на Viber

Јавната здравствена установа Институтот за трансфузиона медицина нема правилен систем за документирање и контрола на приемот обработката и издавањето на крвта која е собрана преку крводарителски акции, констатирал Државниот завод за ревизија. Во извештајот за оваа јавна здравствена установа ревизорите утврдиле скандалозни сознанија за начинот на кој се чува даруваната крв. Поради тоа, стои во извештајот, се елиминира значително количество на крв и крвни деривати.

Според изештајот кој е објавен деновиве, на крајот на 2017 година, по основ на крводарителски акции за собирање крв на соодветната позиција во финансискиот извештај на Институтот е искажано салдо од 13,4 милиони денари. Сепак од страна на службите на Институтот не биле доставувани соодветни приемници и испратници при приемот и издавањето на крвта како и во фазата на производството на крвните деривати. Ревизорите велат дека има отсуство на контрола.

Во извештајот стои дека на увид на ревизорите им била дадена анализа на дарувана, произведена, елиминирана и издадаена крв и крвни деривати во рамки на секој регионален центар на ЈЗУ Институт за трансфузиона медицина.

„Согласно на оваа анализа на подрачјето на еден регионален центар утврдено е дека е извршена елмининација на значително количество на крв и крвни деривати во процент кој достигнува и до 263 проценти во однос на вкупно произведените крвни компоненти. Согласно доставените објаснувања се работи за елиминација извршена поради оштетувања на ќесите како и поради изминат рок на траење иако од истата анализа е видливо дека во рамките на останатите регионални центри овие проценти се значително пониски, стои во извештајот.

Ревизорите тврдат дека ова предизвикува значителна финансиска штета во работењето на ЈЗУ ИТМ во услови на високо ниво на неплатени обврски кон добавувачи.

Инаку во извештајот има и низа други заблешки за работата на Институтот. На крајот на 2017 година биле евидентирани побарувања од купувачи вредни околу 385 милиони денари од кои има и такви кои се постари од три години, а за кои не било превеземано ништо за да се наплатат.

Ревизијата утврдила дека вработени оделе на службени патувања во странство без да им се дава „Каса исплати“, ниту пак се изготвувале решенија за службен пат во странство.

„Признаени се и исплатени се трошоци за реализирани службени патувања во странство во висина од 333 илјади денари по основ на издатоци за сместување во хотели со пет ѕвезди, извршена исплата на дневници во износ повисок од предвидениот, како и исплати без да се обезбеди доказ за времето на поаѓање и враќање од патување. Наведеното е во спротивност со одредбите на Уредба за издатоците за службени патувања и селидби во странство што на органите на државната управа им се признаваат во тековни трошоци, пишува во извештајот.

Во него стои и дека во Институот нема интерен акт во кој ќе се уреди правото на користење на мобилен телефон, ограничувањето на дозволената месечна висина на износот за користење на телефонот.

Ревизорите имале увид во фактури за 11 месеци и во тие бил фактуриран износ од речиси 1,5 милиони денари или 274 илјади денари повеќе од утврдениот месечен паушал, при што ним не им бил презентиран доказ дека за надминувањата се правени задршки од плата.

А.Т.


Можеби ќе ве интересира

Тројца починати и тројца тешко повредени во сообраќајка во Кичево

Тројца починати и тројца тешко повредени во сообраќајка во Кичево

„ОВА Е САМО ЕДЕН ПРИМЕР НА НЕОДГОВОРНО, НЕЧЕСНО И ВАЛКАНО ОДНЕСУВАЊЕ“: Петровска ја доби тужбата против Ковачки

„ОВА Е САМО ЕДЕН ПРИМЕР НА НЕОДГОВОРНО, НЕЧЕСНО И ВАЛКАНО ОДНЕСУВАЊЕ“: Петровска ја доби тужбата против Ковачки

Курто Дудуш: СДСМ и ВМРО-ДПМНЕ ни нудеа само директорски места, затоа отидовме со ДУИ

Курто Дудуш: СДСМ и ВМРО-ДПМНЕ ни нудеа само директорски места, затоа отидовме со ДУИ

КУЌЕН ПРИТВОР ЗА ДВАЈЦА ОД УАПСЕНИТЕ ЗА УБИСТВОТО НА ДОКТОРОТ - прифатено барањето на обвинителите

КУЌЕН ПРИТВОР ЗА ДВАЈЦА ОД УАПСЕНИТЕ ЗА УБИСТВОТО НА ДОКТОРОТ - прифатено барањето на обвинителите

„ДАЛИ Е ВИСТИНА ДЕКА СЕ ШТЕДИ НА ИНФУЗИЈА ЗА ДЕЦА И СЕ БАРА МИТО“ - лидерот на Левица со прашање за велешката болница

„ДАЛИ Е ВИСТИНА ДЕКА СЕ ШТЕДИ НА ИНФУЗИЈА ЗА ДЕЦА И СЕ БАРА МИТО“ - лидерот на Левица со прашање за велешката болница

ОВА СЕ ЦЕЛОСНИТЕ ПРАТЕНИЧКИ ЛИСТИ НА ВМРО-ДПМНЕ - еве кој ќе се натпреварува за собраниско столче во следниот парламентарен состав

ОВА СЕ ЦЕЛОСНИТЕ ПРАТЕНИЧКИ ЛИСТИ НА ВМРО-ДПМНЕ - еве кој ќе се натпреварува за собраниско столче во следниот парламентарен состав

ПРАШИНА И ПЕСОК ОД САХАРА - топлотен бран над Балканот и пошироко, температурите и УВ индексот повисоки од просекот

ПРАШИНА И ПЕСОК ОД САХАРА - топлотен бран над Балканот и пошироко, температурите и УВ индексот повисоки од просекот

ФАКТОР НА ДЕНОТ: Уапсено е уште едно лице за убиството на лекарот во Железара

ФАКТОР НА ДЕНОТ: Уапсено е уште едно лице за убиството на лекарот во Железара

ДАЛИ БИ ГО ПОСЕТИЛА ГРОБОТ НА ЕНВЕР ХОЏА: Билјана Ванковска даде одговор

ДАЛИ БИ ГО ПОСЕТИЛА ГРОБОТ НА ЕНВЕР ХОЏА: Билјана Ванковска даде одговор